فەرماندارێ گشتییێ هه‌سه‌دێ مەزلووم عه‌بدی دیار کر، ت پاشمایێن رژیما ئەسەد ل دەڤەرێن وان تونەنە.
ئەڤ گۆتنێن عه‌بدی دوهـ ئینێ د دەما جڤینا ئەولەهیێ یا بەرفرەها ل باژارێ رەقایێ دە هاتن، کو بەرپرسەکی لەشکەرییێ هێزێن هەڤپەیمانیا ناڤدەولەتی و فەرماندارێن لەشکەری ل هه‌سه‌دێ و فەرمانداریا گشتی یا هێزێن ئەولەکاریا هوندرین و شێخ و رووسپیێن باژارێن رەقا و تەبقایێ تێ دە ئامادە بوون.
عه‌بدی دا زانین، وان ب شامێ رە ل هەڤ کریە کو چارەسەریا لەشکەری ژ بۆ چارەسەرکرنا پرسگرێکێن د ناڤبەرا هەر دو ئالیان دە، نە بژاردەیە.
عه‌بدی گۆت ژی، چارەسەریا سووریەیێ تەنێ ب دیالۆگا سووری-سووری رە پێک تێ و ئەوێ شاندەکێ ژ خەلکێ دەڤەرێ ب هەموو پێکهاتەیێن وێ پێک بینن، ژ بۆ ب شامێ رە دیالۆگا دەربارێ پاشەرۆژا دەڤەرێ و سووریێ دە بکن.
هەر د ڤێ جڤینێ دە، فەرماندارێ گشتییێ هه‌سه‌دێ “هەبوونا ت ئەندامێن پاشمایێن رژیما بەرێ ل هەرێمێن باکور و رۆژهلاتێ سووریێ” رەد کرن و داوی ل گۆتنێن خوە ئانی: “ئەمێ ب بۆنەیا مەها رەمەزانا پیرۆز، لێبۆرینەکە گشتی ژ بۆ گرتیێن مافێن گشتی دەربخینن”.
