بالافرێن شەرێن ترک دەردۆرا بەنداڤا تشرینێ بۆمبه‌باران كر و شه‌ر و په‌ڤچوونێن هه‌سه‌د و ئارتێشا نشتیمانی یا كو تركیه پشتگریا وان دكه ل بەژاهیا کۆبانیێ ده‌وام دكن.
روانگه‌ها سووری یا مافێن مرۆڤان ئیرۆ رۆژا شه‌می 8 ئادارا 2025ێ راگهاند كو بالافرێن شەرێن ئارتێشا ترکیه‌یێ دەردۆرا بەنداڤا تشرینا گوندەوارێن کۆبانێ هەدەف گرتن، د هەمان دەمێ دە بالافرێن شەر یێن ل ئەسمانێ بەنداڤێ و پرا کارا کۆزاکێ ب دژواری رابوون.
هەڤدەم لگەل بۆمبەبارانا ئاسمانی، شەر و پەڤچوون د ناڤبەرا هێزێن سووریا دەمۆکراتیک و چەکدارێن سەر ب ترکیێ ڤە ل دەردۆرا بەنداڤێ قەومین، بێ کو ئاگاهی دەربارێ زیانێن مرۆڤی بێن.
ئەڤ ئالۆزی د دەمەکێ دەیە کو ل باکورێ سووریێ ئالۆزی زێدە بوویە.
دوهـ، د ئەنجاما بۆمبەبارانا فرۆکەیێن بێفرۆکەڤان یێن هێزێن سووریا دەمۆکراتیک (هه‌سه‌دێ) ل دەردۆرا گوندێ ئاڵووش ل سەر خالا بەنداڤا تشرینێ، چه‌كداره‌كی «ئارتێشا نشتمانی» هات کوشتن و هنەک ژی بریندار بوون.
د هەمان دەمێ دە، تۆپخانەیێن ترکیێ ب توندی بۆمبەبارانا خوە ل سەر دەردۆرا بەنداڤێ توندتر کرن، هەڤدەم لگەل هاتنا کاروانەکە خەلکێ بۆ دەڤەرێ. دەردۆرا باژارۆکێ سارین ژی راستی تۆپبارانا ئارتێشا ترک هات.
