ژ ئیرۆ ڤە جڤینێن دەم پارتیێ ل سەر پەیاما ئۆجالان تێن دەستپێکرن

شاندا پارتیا وەکھەڤی و دەمۆکراسیا گەلان (دەم پارتی) ژ بۆ دانووستاندنێن ل سەر پەیاما رێبەرێ پارتیا کارکەرێن کوردستانێ (PKK) عەڤدللا ئۆجالان جارەکە دن لگەل ئالیێن سیاسی یێن ترکیێ و باکورێ کوردستانێ دجڤە.

شاندا دەم پارتیێ، کو ژ تولای ھاتمۆغوڵار و تونجەر باکرھانێ ھەڤسەرۆکێ وێ پارتیێ پێک ھاتیە، دەمژمێر 10:00ێ سبەھا ئیرۆ (دوشەمبێ، 10/3/2025) لگەل پارتیا زەحمەتکێشان دجڤە، پاشتر دەمژمێر 13:00 سەردانا بنگەھا پارتیا گەلا کۆماری (جەهەپێ) ژی دکە.

جڤین دێ بەردەوام بن و بریارە شاندا دەم پارتیێ دەمژمێر 11:00 بەری نیڤرۆیا رۆژا چارشەمبێ (12/3/2025) لگەل پارتیا پالەیێن ترکیەیێ (TIP) ل پەرلەمانێ بجڤە.

ھەروەسا شاندا ناڤبری ل رۆژا 17 ڤێ مەھێ دێ سەردانا بنگەھا گشتی یا پارتیا تەڤگەرا نەتەوەیی (مەھەپێ) بکە و لگەل دەولەت باخچەلێ سەرۆکێ وێ پارتیێ بجڤە.