سەرۆک مەسعوود بارزانی پەیامەک ب بۆنەیا سالڤەگەرا 55ێ یا پەیمان و رێکەفتنا 11ێ ئادارێ بەلاڤ کر و راگەھاند: ” 11 ئادارا 1970 دە جارا یەکەم حکوومەتا ئیراقێ بەشەک ژ مافێن گەلێ کورد ناسکرن.”
ئیرۆ 11/3/2025 سەرۆک مەسعوود بارزانی پەیامەک ب بۆنەیا سالڤەگەرا 55ێ یا پەیمانا 11ێ ئادارێ بەلاڤ کر و راگەھاند: “رێکەفتنا 11ێ ئادارێ یا سالا 1970، دەستکەفتەکی دیرۆکی و گرنگ یێ خەباتا گەلێ کوردستانێ یە، ب رێبەرتیا بارزانیێ نەمر و جارا یەکەم حکوومەتا ئیراقێ بەشەک ژ مافێن گەلێ کورد ناسکرن و ئەو دەرفەت ژ بۆ گەلێ کورد ھات ئاڤاکرن کو بکارە ل سەر خوەرێڤەبرن و بھێزکرنا زمان و چاند و سەقامگریێ دابین بکە.”
سەرۆک بارزانی دیار کر: “ئەو پەیمان بەرھەما تەکۆشین و خەباتا پێشمەرگە و کادرۆیێن پارتیێ و ھەموو چینێن کوردستانێ یێن بەشداری شۆرەشا ئیلۆنێ ببوون بوو، ھەلگرێ وانەیا ستراتەژی و گرنگیێ بوو ژ بۆ قۆناغێن پشترە یێن خەباتا تەڤگەرا رزگاریخوازیا کوردستانێ و بوویە سەدەمێ بھێزکرنا دۆزا رەوا یا گەلێ کوردستانێ.”
د پەیاما خوە دە سەرۆک بارزانی گۆت، د سالڤەگەرا 55ێ یا پەیمانا 11ێ ئادارێ دە ھەزار سلاڤ ژ بۆ گیانێ پاقژێ شەھیدێن شۆرەشا ئیلۆنێ و ھەموو شۆرەشێن کوردستانێ و پێزانین ژ بۆ ھەموو پێشمەرگە و خەباتکارێن شۆرەشا ئیلۆنێ کو بەرخوەدان و رژدبوون و خوەدی مۆرالەکی پۆلایی بوون و دەستکەفتێن مەزن ژ بۆ گەلێ مە مسۆگەر کرن.
