هێزێن ترکیێ ب تۆپا گران دەردۆرا بەنداڤا تشرینێ تۆپباران کرن، د ئەنجامێ دە تەقین و ستوونێن دوومانێ بلند بوون، و دەربارێ زیانان ت ئاگاهی نەهاتن بدەستخستن، په‌كه‌كه و باسكێن وێ یێن ل رۆژئاڤا ژی ل سه‌ر شاندنا سڤیلان ژ بۆی پشتگریا هه‌سه‌دێ به‌رده‌وامن.
روانگه‌ها سووری یا مافێن مرۆڤان ئیرۆ رۆژا سێشه‌می 11 ئادارا 2025ێ راگهاند، كاروانه‌كه دن یێ سڤیلان ئیرۆ گهیشتن به‌نداڤا تشرینێ، ئه‌ڤ كاروان ژ ره‌ققا، تەبقا و دێرا زۆرێ ژ بۆ شەرمەزارکرنا ئێریشێن ترکیێ گهیشتن به‌نداڤێ.
ده‌ستنیشان كر، هه‌موه‌ختا گهیشتنا سڤیلان، ئارتێشا تركیه‌یێ ب تۆپا گران ده‌ردوورا به‌نداڤێ بۆمبه‌باران كر، د ئەنجامێ دە تەقین و ستوونێن دوومانێ بلند بوون، و دەربارێ زیانان ت ئاگاهی نەهاتن بدەستخستن.
ئەڤ ئالۆزی د دەمەکێ دەیە کو ئالۆزیێن لەشکەری ل باکورێ سووریێ زێدە بوونە، کو بالافرێن شەر یێن ترکیه‌یێ دوهـ ب شەڤ هەژمارەک ئێریشێن ئەسمانی یێن توند پێک ئانین، و دەردۆرا بەنداڤا تشرین و گوندێ مالحا ل گوندەوارێ کۆبانێ و پرا قەرقۆزاک کرن ئارمانج.
ل ئەنیێن شەر ل گوندەوارێ رۆژهلاتێ حەلەبێ ژی شەر و پەڤچوونێن دژوار روو دان، د ئەنجامێ دە هه‌سه‌دێ چار ئەندامێن چەکدارێن ئارتێشا نشتمانی کوشتن.
