دەم پارتیێ راگهاند کو هەیئەتا ئیمرالیێ ژ بۆ هەڤدیتنا ب سەرۆککۆمارێ ترکیەیێ رەجەپ تاییپ ئەردۆگان رە سەرلێدانا فەرمی کر.
هەڤسەرۆکێ دەم پارتیێ تونجەر باکرهان ژی دابوو زانین کو هەیئەتا ئیمرالیێ ئیرۆ، سبە دێ ژ بۆ هەڤدیتنا ب سەرۆککۆمارێ ترکیەیێ رە سەرلێدانێ بکە.
دەم پارتیێ د داخویانیەکێ دە راگهاند: هەیئەتا ئیمرالیێ یا دەم پارتیێ ژ بۆ هەڤدیتنا ب سەرۆککۆمار ئەردۆگان رە ده‌ستوور خوەستیە. هەڤسەرۆکێن دەم پارتیێ پشتی بانگا رێبەرێ گرتی یێ په‌كه‌كێ عه‌بدوللا ئۆجالان گەرەکە دن یا سەردانا پارتیێن سیاسی دا دەستپێکرن.
تونجەر باکرهان ئیرۆ پشتی سەردانا پارتیا سائادەتێ پرسێن رۆژنامەگەران بەرسڤاندن.
هەڤسەرۆکێ دەم پارتیێ تونجەر باکرهان ل سەر پرسا نووچەگهانێ رووداوێ یێ ئەنقەرەیێ شەوکەت هەرکی یا ل سەر هەڤدتینا هەیەتا ئیمرالیێ و سەرۆککۆمارێ ترکیەیێ رەجەپ تایییپ ئەردۆگان دە گۆت:
«هەلبەت دبە کو هەیەتا مە ل گەل برێز ئەردۆگان بجڤە.
سەرۆککۆمارێ ترکیەیێ رەجەپ تایییپ ئەردۆگان پشتی جڤینا کۆما پارتیا خوە راگهاندبوو کو ئەگەر هەیەتا ئیمرالیێ یا دەم پارتیێ ژ وی داخوازا هەڤدیتنێ بکە ئەو دێ قەبوول بکە.
