وه‌زاره‌تا پاراستنا نه‌ته‌وی یا تركیه‌یێ ئیرۆ راگهاند، د هه‌فته‌یا داوین ده 24 چه‌كدارێن په‌كه‌كێ هاتنه كوشتن، ئه‌ڤ یێك د ده‌مه‌كی ده یه، هه‌ولێن سه‌رخستنا پێڤاژۆیا ئاشتیێ ل تركیه و باكورێ كوردستانێ ددۆمن.
وه‌زاره‌تا پاراستنا نه‌ته‌وی یا تركیه‌یێ ئیرۆ رۆژا پێنجشه‌می 13 ئادارا 2025ێ راگهاند، د ئۆپه‌راسیۆنێن دژی ته‌رۆرێ یێن هه‌فته‌یا داوین ده، 24 چه‌كدارێن په‌كه‌كێ كه‌تنه به‌ر ئێریشێن وان و هاتنه كوشتن.
هه‌روه‌ها ده‌ستنیشان كر، ب ڤی ئاوایی ژ 1ێ چلەیا ئیسال 2025ێ ڤه ل رۆژئاڤا كوردستانێ 296 و ل باشوورێ كوردستانێ 206 ب تەڤاهی 502 چه‌كدارێن په‌كه‌كێ-یه‌په‌گێ هاتن كوشتن.
وه‌زاره‌تا پاراستنا نه‌ته‌وی یا تركیه‌یێ ل داویا داخویانیا خوه گۆتیه: «هەتا کو تەرۆرا داوی یا ل سەر وەلاتێ مە نەبە تەهدید وێ تێکۆشینا مە بێناڤبەر دەوام بکە».
ته‌ڤی ده‌ستپێكرنا پێڤاژۆیا ئاشتیێ یا ل تركیه و باكورێ كوردستانێ، ئێریشێن ده‌وله‌تا ترك یێن ل دژی په‌كه‌كێ هێژان ژی ده‌وام دكن.
