پارتیا دەمۆکراتا کوردستانێ-ترکیا (پەدەکە-ت) ئیرۆ 16ێ ئادارێ پەیامەک د 37ەمین سالڤەگەرا کۆمکوژیا حەلەبجەیێ دە بەلاڤ کر و تێ دە راگھاند، “ئەڤە 37 سال دەرباس بوون، لێ ھێژ ویژدانا مرۆڤاتیێ ئەو ژ بیر نەکریە.”
پەیاما پەدەکە-ترکیا:
ئەم کۆمکووژیا ل سەر حەلەپجە لانەت دکن!
رۆژا 16 ئادارعا 1988 دە ھەموو دنیا لگەل وەحشیەتا کۆمکوژیەکێ ھەژیا. وێ رۆژێ ل باژارێ حەلەپجە کو ل کوردستانا باشوورە ب فەرمانا سەدام حسێن چەکێ کمیاوی ل سەر باژێری ھات رەشاندن. د ئەنجامێ دە زێدەترین 5000 ئینسانێن کورد؛ زارۆک، ژن و مێر ھاتن کوشتن، ب ھەزاران بریندار ژی چێبوون و ب دەهان هەزار کەس بەر ب سینۆرێ ترک و ئیرانێ ڤە رەڤیان.
ئەڤە 37 سال دەرباس بوون لێ ھێژ ویژدانا مرۆڤاتیێ ئەو کارەسات ژ بیر نەکریە، یەکتیا نەتەوان ئەڤ رۆژە وەکی رۆژا جینۆسایدێ پەژراند. ئیرۆ ژی ھەرێم دبن ھەمان گەفان دە دژیت. سەدام د وێ دەمێ دە بەربەرتیا خوە ل ھەرێمێ ب تایبەتی ل سەر گەلێن کوردان د دۆماند. ئەوی قەت گوهداریا ئەمر و پەیمانێن ناڤ دەولەتی نەدکر. لێ رۆژ ھات کو ژ بلی چالا جیهێ ڤەشارتنا خوە نەدیت. ھێزێن ئەمەریکی ئەو د وێ چالێ دە گرتن و داویا وی چ لێھات دنیا و عالەم پێ دزانە. داویا ھەموو دیکتاتۆران ب ڤی رەنگیە. ژ بەر ڤێ ئێریشا ب گازا کمیاسال ل سەر باژارێ حەلەپجە کو ھات رەشاندن 5000 مرۆڤێن کورد گیانێن خوە ژ دەست دان و کەتن ناڤا رێزێن نەمران.
پارتیا مە ژ بۆی وان نەمران دلۆڤانیا خوەدێ ھێڤی دکێ. ھەموو کەس و زالمێن قاتل ب توندی لەعنەت دکە. ئەم ژ بۆ ھەموو خەلکێ حەلەپجە سەرکەفتن و دلۆڤانیێ دخوازین. بژی حەلەپجە، بمرن دژمنێن حەلەپجە.
16 ئادارا 2025
پارتیا دەمۆکراتا کوردستانێ-ترکیا
