هه‌ڤسه‌رۆكێ كه‌جه‌كێ: سه‌ركه‌فتنا «بانگێ» گرێدای ئازادكرنا ئۆجالانه
هەڤسەرۆکێ کۆنسەیا رێڤەبەرا كه‌جه‌كێ جەمیل باییک دیار کر، سەرکەفتنا بانگا عه‌بدوللا ئۆجالان گرێدایی گاڤێن ترکیەیێ یە.
جەمیل باییک دەربارێ گەشەدانێن پشتی بانگا عه‌بدوللا ئۆجالان ئیرۆ رۆژا یه‌كشه‌می 16 ئادارا 2025ێ ژ مه‌دیایا پارتیا خوه «ئانفێ» رە ئاخڤی و گۆت: سەرکەتنا بانگا ئۆجالان هەلبەت گرێدایی گاڤێن ترکیەیێ یە. ل جیهانێ تو پرسگرێک ب گاڤێن یەکئالی نەهاتنە چارەسەرکرن».
ده‌ستنیشان كر، ئۆجالان ژ ئالیێ خوە ڤە گاڤێن کو دڤێ بێن ئاڤێتن، ئاڤێتن. ئانکو دڤێ شەرت و مەرجێن وی وەرن گوهەرتن، دڤێ ئەڤ پەرگالا ئیمرالیێ وەرە هلوەشاندن.
هه‌ڤسه‌رۆكێ كه‌جه‌كێ د به‌شه‌كه دن یا ئاخافتنا خوه ده هه‌روه‌ها دبێژه: «ئەگەر ترکیە گاڤێن دەمۆکراتیکبوونێ نەئاڤێژە و پرسگرێکا کورد چارەسەر نەکە، پرسگرێکا دەمۆکراسیێ چارەسەر نەکە، هەلبەت وێ ترکیە زرارەکە مەزن ژ ڤێ ببینە».
عه‌بدوللا ئۆجالان ل 27 سباتا ئیسال 2025ێ بانگ ل په‌كه‌كێ كر خوه فه‌سخ بكه و چه‌كێن خوه ده‌ینه، په‌كه‌كێ ژی گۆ ژ بۆ كو ئه‌و خوه فه‌سخ بكن، دڤێ ئۆجالان وه‌ره ئازادكرن و ئه‌و ب خوه سه‌رپه‌رشتییا كۆنگره‌یا په‌كه‌كێ بكه، تركیه‌یێ ژی د به‌رسڤا په‌كه‌كێ ده گۆت كو دڤێ ئه‌و خوه فه‌سخ بكه‌ن و ت شه‌رت و مه‌رجان نه ئاڤێژن.
