شاندەیا دەم پارتیێ یا ئیمرالیێ ل پارلامەنتۆیا ترکیەیێ ئاک پارتی زیارەت کر.
سەردانێن دەم پارتیێ یێن پارتیێن سیاسی یێن ل پارلامەنتۆیا ترکیەیێ بەردەوام دکن.
دەم پارتی و ئاک پارتی د چارۆچۆڤەیا پێڤاژۆیێ دە جڤیان. جڤینێ ساعەت 14:00ان دەست پێ کر.
د شاندەیا دەم پارتیێ دە ژی هەڤسەرۆکێن دەم پارتیێ تونجەر باکرهان و تولای هاتیمۆگوڵار، وەکیلێ سەرۆکێ پارلامەنتۆیا ترکیەیێ سڕی سورەییا ئۆندەر و وەکیلا سەرۆکێ کۆما دەم پارتیێ گولستان کلچ کۆچیگتێ جهـ گرت.
هەر وها د ناڤ شاندەیا ئاک پارتیێ دە ژی بەردەڤکێ ئاک پارتیێ عۆمەر چەلیک، وەکیلێ سەرۆکێ گشتییێ ئاک پارتیێ ئەفکان ئالا، سەرۆکێ کۆما ئاک پارتیێ عه‌بدوللا گولەر و وەکیلا سەرۆکێ کۆما ئاک پارتیێ ئۆزلەم زەنگین هەبوون.
جڤینا شاندەیێن دەم پارتی و ئاک پارتیێ نێزی ساعەتەک و 45 خولەکان ئاژۆت.
پشتی جڤینێ داخویانیەکە هەڤپار نەهات دایین.
ل ئالیێ دن شاندەیا دەم پارتیێ مه‌هه‌په ژی زیارەت کربوو.
پشتی هەڤدیتنا ب شاندەیا مه‌هه‌پێ رە هەڤسەرۆکا دەم پارتیێ تولای هاتیمۆگوڵاریێ گۆتبوو:
“پشتی کو ئەم ئیرۆ هەموو هەڤدیتنێن خوە تەمام بکن ئەم دێ داخویانیا خوە یا بەرفرەهـ ب کەدکارێن چاپەمەنیێ یێن هێژا رە پارڤە بکن”.
