سەرۆکاتیا کۆمارا سووریێ لژنەیەکا 5 کەسی ژ بۆ تەمامکرنا رێکكەفتنا ل گەل هێزێن سووریا دەمۆکرات (هه‌سه‌دێ) پێئکانیە و د ده‌مه‌كی نێز ده دێ ب مه‌زلووم عه‌بدی ره بجڤه.
هات راگهاند، لژنه ب سەرۆکاتیا پارێزگارێ بەرێ یێ دێرەزۆرێ حوسه‌ین سەلام دە پێکتێ و د دەمەکی نێزیک دە دێ جڤینا وێ لژنەیێ کو ژ ئالیێ سەرۆکاتیا کۆمارا سووریێ ڤە هاتیە پێکئانین دێ ل گەل فەرماندارێ هه‌سه‌دێ مەزلووم عه‌بدی برێڤە بچە.
جڤینا ناڤبەرا لژنەیێ و مەزلووم عه‌بدی دە دێ رۆژا چارشەما بێ ل پارێزگەها حەسەکێ پێکبێ.
ل گۆری کانالا جەزیرە؛ لژنە دێ سەرپەرەشتیا جیهبجیهکرنا وێ رێکەفتنێ بکە کو ژ ئالیێ سەرۆکێ ڤەگوهێزێ سووریێ ئەحمەد شەرع و فەرماندارێ گشتی یێ هه‌سه‌دێ مەزلووم عه‌بدی دە هاتیە ئیمزا کرن و دووڤچوونێ دێ ل سەر هوورگلیان بکە.
هەروه‌ها دێ پشترە ژی لژنەیەکی تایبەتمەند بێ پێکانین ژ بۆ تەمامکرنا پرسێن ئابۆری و سیاسی و لەشکەری یا کو د رێکەفتنێ دە هاتیە بەحس کرن.
