ته‌ڤی خورتكرنا گاڤێن پێڤاژۆیا ئاشتیێ، ئێریش و بۆمبه‌بارانێن ئارتێشا تركیه‌یێ یێن ل دژی په‌كه‌كێ ل ده‌ڤه‌رێن باشوورێ كوردستانێ ده‌وام دكن، هه‌موه‌خت لڤ و ته‌ڤگه‌را چه‌كدارێن په‌كه‌كێ یا ل ده‌ردوورا گوند و باژارۆكان.
ل گۆری ئاگاهیێن ده‌ستێ مه، د دو رۆژێن رابووری ده ده‌وله‌تا ترك ل هه‌رێمێن خاكورك، گاره و مه‌تینایێ ب ده‌هان جاران لڤ و ته‌ڤگه‌را چه‌كدارێن په‌كه‌كێ كرنه ئارمانج، زرارێن مه‌زن ل په‌ی ئێریشان هاتنه و نیگه‌رانیه‌ك مه‌زنتر ژی ل جه‌می شێنییان چێبوویه.
د 24 ساعه‌تێن ده‌رباسبوویی ده، ئانگو ل رۆژێن 16 و 17 ئادارا 2025ێ، بالافرێن شه‌ر یێن تركیه‌یێ د ته‌عقیبا چه‌كدارێن په‌كه‌كێ ده 3 جاران ل گاره‌ی و 5 جاران ل مه‌تینایێ ئێریش ئه‌نجام دا نه.
هه‌ر وها ل خاكوركێ، رۆژئاڤایێ زاپێ و گرێ ئامێدیێ ژی ئێریش چێبوونه.
چاڤكانیێن مه ئاشكه‌ره كرن، 15 ئادارێ ژی ب ده‌هان جاران ئێریش ل خاكوركێ، گاره، مه‌تینا و هه‌روها رۆژئاڤا زاپێ و گرێ ئامێدیێ پێكهاتنه.
ته‌ڤی ده‌ستپێكرنا پێڤاژۆیا ئاشتیێ لێ به‌لێ ئێریشێ ده‌وله‌تا ترك ل دژی په‌كه‌كێ نه‌هاتنه راوه‌ستاندن، د هه‌مان ده‌مێ ده لڤ و ته‌ڤگه‌را چه‌كدارێن په‌كه‌كێ یا كو ب ئه‌نقه‌ست ل ده‌ردوورا گوندێن پارێزگه‌ها دهۆكێ تێن ئه‌نجام دایین.
