رێڤەبەریا نەهیشتنا مادەیێن هشبه‌ر راگهاند، وان دەست دانین سەر 82 کیلۆ مادەیێن هشبه‌ر و 16 تۆمەتبار ژی گرتن.
رێڤەبەرێ نەهیشتنا مادەیێن هشبه‌ر ئەرکان بیبانی ئیرۆ 19ێ ئادارێ د داخویانیەکێ دە راگهاند، وان د دو هەفتەیێن بۆری دە هەژمارەک چالاکی ل دهۆک و زاخۆ پێک ئانین و تێ دە کارین هەژمارەک بازرگانێن مادەیێن هشبه‌ر دەستەسەر بکن.
بیبانی دا زانین ژی، وان دەست دانین سەر 82 کیلۆ مادەیێن هشبه‌ر و 16 تۆمەتبار ژی گرتن.
گۆت ژی: تیمێن رێڤەبەریا نەهیشتنا مادەیێن هشبه‌ر د ئۆپەراسیۆنەکە دن دە، کاری دەست دانن سەر 45 کارتۆن دەرمان و حەبێن کو دەما وان دەرباس بوویە کو ب قاچاخی دەرباسی هەرێمێ بوونە.
دا زانین ژی: د دو ئۆپەراسیۆنێن دن دە کو رێڤەبەریا نەهیشتنا مادەیێن هشبه‌ر رۆلەکە وێ یا گرنگ تێ دە هەبوو، 1 تۆن و 100 کیلۆ حەبێن کاپتاگۆن ل بەغدایێ و 70 کیلۆگرامێن دن ژی ل مووسلێ هاتن دەستەسەرکرن.
دەربارێ هەموو گومانباران دە دۆسیە هاتنە ڤەکرن و دێ د چارچۆڤەیا یاسایا رووبرووبوونا مادەیێن هشبر دە بێن دارزاندن.
