هەسەدە: مەزلووم عەبدی لگەل لژنەیا برێڤەبەریا نوویا سووریەیێ کۆمبوو

 پشتی جڤینا ناڤبەرا مەزلووم عەبدی و نوونەرێ حکوومەتا نوویا سووریەیێ، ھەسەدێ راگەھاند، “بەحسا پێدڤییاتیا راوەستاندنا شەری ل ھەمی سووریەیێ ھات کرن.”

راگەھاندنا ھێزێن سووریەیا دەمۆکراتیک (ھەسەدێ) ئیرۆ چارشەمبێ، 19/3/2025 پارڤە کر، “فەرماندارێ گشتی یێ ھێزێن سووریەیا دەمۆکراتیک (ھەسەدێ) مەزلووم عەبدی پێشوازیا لژنەیا برێڤەبەریا نوویا سووریەیێ کر.”

ھەسەدێ راگەھاند، “د وێ جڤینێ دە بەحسا رەشنڤیسا دەستووری و پشتگوھنەخستنا کێماسیان ل سووریەیێ ھات کرن، پێدڤی ژی ھاتیە دیتن کو چ پێکھاتەیەکا سووریەیی ژ نڤیسینا دەستووری ل وی وەلاتی بێبار نەبت.”

ھەسەدێ ئاماژە ژی دا، “د وێ جڤینێ دە بەحسا پێدڤییاتیا راوەستاندنا شەری ل ھەمی سووریەیێ ھات کرن و ھەر دو ئالیان دیتن و نەرینێن خوە ل ھەڤ گوھەرتن.”

ھێزێن سووریەیا دەمۆکراتیک رۆن ژی کر، “وێ جڤینێ بال کێشا سەر پێدڤییاتیا ئاگربەستێ ل سەرانسەری سووریەیێ.”