رێڤه‌به‌را كه‌جه‌كێ بەسێ هۆزات ل سەر دەما چەکدانینا په‌كه‌كێ ئاخڤی و دیار کر کو هەتا بنگەهه‌كه قانوونی نەیێ دانین، په‌كه‌كه چەکێن خوە نا ده‌ینه.
هەڤسەرۆکا کۆنسەیا رێڤەبەر یا كه‌جه‌كێ بەسێ هۆزات ژ مەدیا هابەرێ رە ئاخڤی و دیار کر کو دەولەت د پێڤاژۆیا چارەسەریێ دە نە جدییە و وها گۆت: «دەولەت جددی تەڤناگەرە. ب تایبەتی دەستهلاتداریا ئاكه‌پێ-مه‌هه‌پێ دووری جدیەتێ نێزیک بوون».
هه‌روه‌ها گۆت: «هەتا رۆژا مه یا ئیرۆ ژی ئەڤ وەزیرێ دادێ یێ نەجدی یلماز تونچ داخویانیێن دووری روح و کاراکتەرێ رەوشێ ددن. داخویانیێن نەجدی ددە. پراتیکا وی ژی ب هەمان رەنگی یە، پرسگرێک نەتەنێ داخویانییە، پراتیکا وی ژی ب هەمان رەنگییە. دەستهلاتداریێ، دەولەتێ هەتا نها ت گاڤ نەئاڤێتیە».
به‌سێ هۆزات دبێژه: «هەفتەیا کو بانگ هاتە کرن دڤیابوو مافێ هێڤیێ یەکسەر بهاتا بجیهانین، ئەڤ پێڤاژۆ دڤیابوو د ناڤا هەڤ دە، پارالێن ب رێ ڤە چووبایه، لێ بەلێ ئەڤ نەهات کرن. ژ بۆ مافێ هێڤیێ بێ بجهئانین پێویستی ب گوهەرتنێن قانوونی هەبوو».
هەڤسەرۆکا کۆنسەیا برێڤەبرا كه‌جه‌كێ ئاماژە ب گۆتنێن داوییێن باهچەلی کر و گۆت: «رێبەر ئاپۆ رێبەرێ دامەزرینەرێ په‌كه‌كێ یە. ئەو ب خوە ژی ڤێ دبێژن، باهچەلی ژی، ئاكه‌په ژی ڤێ دبێژن.
ئەگەر لیدەرێ دامەزرینەرێ په‌كه‌كێ بە، ئەگەر ئەو رێبەرە کو په‌كه‌كه دامەزراندیە، هنگی د فەسخکرنا په‌كه‌كێ دە ژی وێ ئەڤ رێبەرێ دامەزرینەر ب رۆلا خوە رابە.
ده‌ربارێ چه‌كدانینا په‌كه‌كێ ژی گۆت: «یێ کو داوی ل ڤێ پێڤاژۆیێ بینە، داوی ل پێڤاژۆیا تێکۆشینا چەکداری بینە رێبەر ئاپۆ ب خوەیە. پێویستیا بنگەهینا چەکدانینا په‌كه‌كێ ئاڤاکرنا ئالیێ قانوونی و سیاسەتا دەمۆکراتیکە. هەتا کو ئەڤ نەبە په‌كه‌كه نکارە دەست ژ چەکان بەردە، نکارە خوە فەسخ بکە ئەڤ گەلەکی زەلالە».
