ناسنامه‌یا چه‌كداره‌كێ په‌كه‌كێ یێ ژ باشوورێ كوردستانێ ئاشكه‌ره بوو كو ل 26 سباتا ئیسال ئانكو ب رۆژه‌كێ به‌ریا بانگا ئۆجالان ل چیایێ گاره هاتیه كوشتن.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا سێشه‌می 25 ئادارا 2025ێ ناسنامه‌یا چه‌كداره‌كی خوه یێ ب ناڤێ شه‌هریار عومه‌ر كو ژ هه‌وارمانا باشوورێ كوردستانێ یه ئاشكه‌ره كر، ئه‌ڤ چه‌كدار ل 26 سباتا 2025ێ ل چیایێ گاره‌ی كه‌تیه به‌ر ئێریشا بالافرێن تركیێ و ژیانا خوه ژ ده‌ست دا یه.
هه‌په‌گێ مرنا ڤی جوانێ كورد ژی ئه‌ڤ مه‌هه‌كه ڤه‌شارتی هشتیه و ژ نوو ڤه ئیرۆ داخویانی دا و گۆت كو مه وه‌ندا كر.
وه‌كه ته‌ڤ جوانێن كو په‌كه‌كێ به‌رێ وان دایه مرنێ، د په‌سنێ شه‌هریار ده ژی رێخستنێ گۆتیه كو ئه‌و ملیتانا ئاپۆ و فه‌دایێ ئاپۆ بوو.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده هاتنه كوشتن و مرنا وان هه‌یا رۆژا مه یا ئیرۆ ڤه‌شارتی هشتیه، ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و مرنا وان ئیلان نه‌بوویه.
