نڤیسکار و چالاکڤانێ سیاسی رەسوول سولتانێ د گۆتارەکا خوە یا دەربارێ پیرۆزباھیێن نەورۆزا کوردان یا ل ڤانکۆڤەرێ دە نڤیساند: “دەما ئەز گەھەشتم قادا نەورۆزێ، چادرا ئاپۆجیان من دیت و 50 – 60 جورە ئالا و وێنەیێن کاک عەبدوللا ئۆجالان ل سەر ھەبوون. د دەما پێخستنا ئاگر دە ئەو دەستەیا بەرێ ھاتبوو رێخستنکرن، روویێ خوە پێچابوون کو نەیێن ناسکرن و ھەموویان ل گەل یەک ئالایێن خوە بلند کرن و ب درووشمێن “بژی سەرۆک ئاپۆ” ھاتن و دۆرا ئاگر گرتن و نەورۆز کرن نەورۆزا پەکەکێ.
ھەروەھا دبێژە: “یەک دو کەسان ل ھەمبەر رەفتارێن پەکەکێ نەرازیبوون نیشان دا، لێ وان ئێریش کر و ل گۆر لێکۆلینان ھەڤالان کێر ژی ل وان کێشان.”
رەسوول سولتانی د گۆتارا خوەیا ل سەر مەدیا جڤاکی یا فەیسبۆکێ بەلاڤکری دە گۆت: “ل گۆر ئەزموونێن نەورۆزێ یێن مە ەیێن بەرێ، مە دزانی دیسا دێ برادەرێن ئاپۆچی ھەول بدن نەورۆزێ بکن نەورۆزا پەکەکێ. لێ کوردێن ل ئەوروپا ژیان دکن وەک ھەر جیھەکە دن سەر ب فکر و پارتی و رێیێن جودا نە. ژ بۆ وێ ژی 6 مەھان بەری نھا بەردەوام ل گەل رێخستنا مالا کورد ئەم روونشتن و مە گۆت: دڤێت نەورۆزا ئیسال نەورۆزا نەتەوی بە و چ ھێما و نیشانەیێن پارتیان تێدە نەبن.”
ھەروەھا دیار کر: “ئەو ل گەل مالا کوردان رێکەفتنە، ئالا کوردستانێ و ئالا کانتۆنا رۆژئاڤا یا پەکەکێ ئەم دێ دەینن و ھاتیە قەبوول کرن. لێ ئەز ئاگاھدارێ ھن رێخستن و تەڤگەران بووم و 2-3 جارێن دن ژی من دوبارە کر نابە رەنگێ چ پارتیەکی د نەورۆزێ دە دیار بە. گۆتن ل گەل بەرپرسێن ھەموو پارتیان ھاتیە ئاخافتن و قەبوول کرنە. من گۆت ل گەل ئاپۆچیان ژی وە ئاخافتیە؟ گۆتن بەلێ.”
رەسوول سولتانی دبێژە: مالا کوردان داخواز ژ من کرن پەیاما نەورۆزێ بنڤسینم، من گۆت ئەز دێ پەیامەکی بنڤسینم ل گەل بەحسا نەورۆزێ، بال بکشینم سەر ھەر چار پارچەیێن کوردستانێ و بوویەران. من نڤیساند، بەرپرسێ مالا کورد باش دیت کو ئەز بخوینم و من ژی گۆت باشە.”
سولتانی گۆت: “رۆژا بەری نەورۆزێ ژ من رە گۆتن داخواز ھاتیە کرن ئەندامێن پارتیان پێشکەشکار نەبن.!”
د بەشەکا دن یا گۆتارا خوە دە سولتانی دیار کر: “رۆژا جەژنێ دەما ئەز گەھەشتم قادا نەورۆزێ، من چادرا ئاپۆچیان دیت، 50-60 جورە ئالا و وێنەیێن عەبدوللا ئۆجالان ل سەر بوو. د دەما ئاگر پێخستنێ دە، ئەو دەستەیا بەرێ ھاتبوو رێخستن کرن، روویێ خوە پێچابوون کو نەیێن ناسکرن و ل گەل یەک ھەموو ئەو ئالا راکرن و ب درووشمێن “بژی سەرۆک ئاپۆ” ھاتن و دۆرا ئاگری گرتن. ئێدی نەورۆز کرن نەورۆزا پەکەکێ. یەک دو کەسێن کو نەرازیبوون نیشاندان، ئێریشی وان کرن و ل گۆر لێکۆلینان ھەڤالان کێر ژی ل وان کێشانە.”
رەسوول سولتانی دبێژە: “نھا کەسێن ماقوولێن پەکەکێ ل ڤانکۆڤەر دبێژن ئەو نە سەر ب مە بوون. دبە کو وسا ژی بە، لێ ھەتا وێ دەما ناسنامەیا وان ئاشکەرا نەکن و ب داخویانیەکی فەرمی پەکەکە، وێ رانەگەھینە، ئەو ھەم ل سەر پەکەکێ مالن، ھەم ژی دڤێت پشتراستبن ب فەرمانا ژۆر ڤە ھاتنە رێخستن کرن.”
