ل شرنەخێ و ناڤچەیێن وێ، 11 هەرێمێن وەک چیایێ جوودی، چیایێ گابارێ، دۆلێ و دێریێ زێر، وەک هەرێمێن تایبەت هات نیشاندان و 15 رۆژان قەدەغە لێ هات راگهاندن.
پارێزگاریا شرنەخێ ئیرۆ 26ێ ئادارێ د داخویانیەکێ دە راگهاند، د ناڤبەرا 26ێ ئادارێ هەتا 10ێ نیسانێ 2025ان دە، 11 هەرێمێن چیایێ جوودی، چیایێ گابارێ، دۆلێ، کەلا مەمێ و دێریێ زێر هەرێمێن ئەولەکاریا تایبەت هاتنە نيشاندان و ژ بۆ 15 رۆژان هاتنە قەدەغەکرن.
پارێزگاریێ ئاماژە ب وێ ژی کر، ئەڤ قەدەغە ژ بۆ دابینکرنا ئەولەکاریا نەتەوی، پاراستنا نیزام و ئەولەکاریا گشتی، نەهیشتنا تاوانان، پاراستنا ماف و ئازادیێن بنگەهین و رێگرتنا ل بوویەرێن توندیێ هاتیە راگهاندن.ش
