پارلامەنتەرەکی دەم پارتیێ ل پارلامەنتۆیا ترکیێ ئالایا کوردستانێ بلند کر و راگهاند، “یێ کو هەقارەتێ ل ڤی ئالای بکە، مرۆڤەکی نزمە».
پارلامەنتەرێ پارتیا وەکهەڤی و دەمۆکراسیێ (دەم پارتی) سڕی ساکیک، ب بلندکرنا ئالایا کوردستانێ بەرتەک نیشانی گۆتنێن شارەدارێ ئەنقەرەیێ مانسور یاڤاش دا.
سڕی ساکیک گۆت: «ئەڤ ئالا نوونەرتیا هەرێما کوردستانێ دکە. هن کەس ژ ڤێ ئالایێ رە پاچک (پارچه په‌رووك) دبێژن. لێ دەما کو بەرپرسێن پلەبلندێن حکوومەتا هەرێما کوردستانێ سەردانا ترکیەیێ دکن، ئەڤ ئالا ل گەل ئالایا ترکیەیێ ل فرۆکەخانەیێ ئەسەنبۆگایێ ل با دبە».
هەروها گۆت: «ئەڤ نیژادپەرەستی و دژمناتیا کوردانە. ترکیە ل ور کۆنسۆلخانەیا خوە هەیە و سالانە 1 ملیار دۆلار هناردە دکە، چما ئەو قاس دژمناتیا کوردان دکن»؟
ئەڤ یەک پشتی وێ تێ، ل ترکیەیێ ب گرتنا شارەدارێ باژارێ مەزن ئەکرەم ئیمامئۆغلو چالاکیێن کو ژ 19ێ ئادارێ ڤە تێن کرن ددۆمن. د ڤان چالاکیان دە ژی ژ بلی داخوازا داد و دەمۆکراسیێ، هەقارەت ل نرخێ کوردان و ئالایا کوردستانێ هات کرن. پشتی دەڤئاڤێتنا شارەدارێ مەزن یێ ئەنقەرەیێ مانسور یاڤاش کو ئالایا کوردستانێ وەکە (پارچه په‌رووك) نیشان دابوو، سەرۆکێ گشتییێ ئیی پارتیێ موساڤات دەرڤشۆگلو ژی دەڤ ئاڤێت ئالایا کوردستانێ.
