ناسنامه‌یا 2 كه‌چێن كوردان كو د ناڤا په‌كه‌كێ ده دو مه‌هان به‌رێ هاتنه كوشتن ژ نوو ڤه ئاشكه‌ره بوو، په‌كه‌كێ به‌رێ وان دا مرنێ و د په‌سنێ وان ده دبێژه: «وان ته‌مسیلا روحێ فه‌دایی یێ ژنێن كوردان دكر!».
په‌كه‌كێ د مه‌دیایا خوه ده وێنه‌یێن هه‌ردو كه‌چێن كورد یێن ب كۆدناڤێ «ده‌لال و زیلان» پارڤه‌كریه و گۆتیه: «د 24 چله‌یا 2025ێ ده ده‌لال و زیلانێ ل هه‌رێما حه‌فته‌نینێ ژ بۆ كو نه‌كه‌ڤن ده‌ستێ دژمن، بۆمبه‌یێن خوه ب خوه ده ته‌قاندن و شه‌هید بوون».
رێخستنا په‌كه‌كێ ئه‌ڤ هه‌ردو كه‌چێن كورد وه‌كه ب هه‌زاران رێهه‌ڤالێن وان ب ناڤێ وه‌لاتێ شێرین خاپاندن و كێشی چیایێم باشوورێ كوردستانێ كرن، پشتره ژ بۆی پرۆه‌ژیێن ئاپۆ یێن مینا نه‌ته‌وه‌یا ده‌مۆكراتیك و براتیا گه‌لان كو ت پێوه‌ندییا وان ب كورد و كوردستانێ ڤه تونه، دان كوشتن.
په‌كه‌كێ مرنا ده‌لال و زیلانێ پێتری دو مه‌هان ل مالباتێن وان ڤه‌شارت و ئیرۆ ژ نوو ڤه مرنا وان ئیلان بوو، رێخستن د په‌سنێ وان ده دبێژه: «وان ته‌مسلا روحێ فه‌دایی یێ ژنێن كوردان دكر!».
په‌كه‌كه هه‌ر رۆژ وێنه‌یێن كۆمێن كه‌چێن كوردان د مه‌دیایا خوه ده پارڤه‌دكه، كه‌چێن كو به‌رێ وان دایه مرنێ و مرنا وان ب سالانه ڤه‌شارتی مایه، ل گۆری وه‌نداهییێن كو ئاشكه‌ره دبن، خوه‌یا دبه كو چ ده‌وله‌تێن داگیركه‌ر و چ دژمنێن كوردان ب قاسی په‌كه‌كێ كه‌چێن كوردان نه‌كوشتنه و بێ ماف و بێ روومه‌ت نه‌كرنه.
