ته‌ڤی ئاگربه‌ستێ و پێڤاژۆیا ئاشتیێ، تركیێ د مه‌ها ئادارێ ده 287 جاران ئێریشی چه‌كدارێن په‌كه‌كێ ل باشوور و باكورێ كوردستانێ كری یه، هه‌په‌گه دبێژه مه 13 جاران به‌رسڤا ئیریشان دا یه.
هه‌په‌گێ باسكێ له‌شكه‌ری یێ په‌كه‌كێ، ئیرۆ رۆژا چارشه‌می 2 نیسانا 2025ێ راگهاند؛ ده‌وله‌تا ترك د مه‌ها ئادارێ ده، ل باكور و باشوورێ كوردستانێ ده‌هان جاران ئێریش ل دژی چه‌كدارێن وێ ئه‌نجام دا نه.
ده‌ستنیشان كر، ئێریش ب بالافرێن شه‌ر، درۆن و هه‌لیكۆپته‌ران پێكهاتنه و گه‌له‌ك ده‌ڤه‌ر هاتنه بۆمبه‌باران كرن.
ل گۆری هه‌په‌گێ د ئادارێ ده، ده‌وله‌تا ترك 287 جاران هه‌رێمێن گه‌ریلایان یێن ل خاكورك، گاره و مه‌تینایێ و هه‌ر وها یێن ل باكورێ كوردستانێ بۆمبه‌باران كرنه، گه‌ریلایان ژی 13 جاران به‌رسڤا ئێریشان دا نه.
ته‌ڤی ده‌ستپێكرنا پیڤاژۆیا ئاشتیێ ل تركیه و باكورێ كوردستانێ و بانگا ئۆجالان یا چه‌كدانینا په‌كه‌كێ، ئێریشێن ده‌وله‌تا ترك هێژان ژی ده‌وام دكن، په‌كه‌كێ پشتی بانگا ئۆجالان یا 27 سباتا 2025ێ ئاگربه‌ستا ته‌كئالی راگهاندبوو.
