گرووپێن چەکداران 5 وەلاتیێن عەفرینێ رەڤاندن و بەر ب جھەکی نەدیار ڤە برن کو مەترسی ل سەر چارەنڤیسا وان ھەیە.
رەوانگەھا سووری بۆ مافێن مرۆڤان ئیرۆ 4ێ نیسانێ بەلاڤ کر، 5 وەلاتیێن کورد یێن ژ ناڤچەیا مابەتایا عەفرینێ دەما ژ حەلەبێ ڤەدگەریان عەفرینێ، ل خالا پشکنینێ یا گرووپا ئەمشات یا نێزیکی گوندێ مەرەنازێ ھاتن رەڤاندن و بەر ب جھەکی نەدیار ڤە برن.
دیار کر ژی، ئەندامەکی گرووپا ئەمشاتێ پێوەندی ب مالباتێن رەڤاندیان کریە و ل ھەمبەر بەردانا وان داخوازا فدیەیێ کریە. تەڤی کو مالباتان فدیە دان چەکداران، لێ دیسا ژی ئەو ھەر 5 نەھاتن بەردان.
رەوانگەھا سووری بۆ مافێن مرۆڤان ئاماژە ب وێ ژی کر، مالباتێن رەڤاندیان ژ بەردەوامیا گرتنا کەسووکارێن خوە نیگەرانن و دبێژن کو مەترسی ل ژیانا وان ھەر 5 رەڤاندیان ھەیە.
رەڤاندنا ڤان کەسان د دەمەکێ دەیە، د دو رۆژێن بۆری دە رێکەفتنەک د ناڤبەرا ھەسەدێ و برێڤەبەریا نوویا سووریەیێ ل سەر تاخێن کوردییێن حەلەبێ (ئەشرەفیێ و شێخ مەقسوود) ھاتبوو کرن.
ل گۆری وێ رێکەفتنێ، ھێزێن ھەسەدێ و یەپەگێ ژ تاخێن ئەشرەفیە و شێخ مەقسوود بەر ب رۆژھلاتا فراتی ڤە ڤەکشیان.
