ل ناڤچەیا سەردڤان یا ساکاریایا ترکیێ د ناڤبەرا دو مالباتێن جیران دە شەرێ ب چەک دەرکەت و 5 کەسان ژیانا خوە ژ دەست دا، 5 کەسێن دن ژی بریندار بوون. دەربارێ بوویەرێ دە 4 کەس ھاتن بنچاڤ کرن.
ل ناڤچەیا سەردڤان یا ساکاریایێ د ناڤبەرا دو مالباتێن جیران دە نیقاش دەرکەت و ڤەگەریا شەرێ ب چەک. پشتی دەربارێ بوویەرێ دە ئاگاھداری ھاتە دایین تیمێن پۆلیسان و تیمێن تەندورستیێ گەھەشتن جیھێ بوویەرێ.
پشتی تیمێن پۆلیسان و تیمێن تەندورستیێ گەھەشتن جیھێ بوویەرێ دەرکەت کو یاشار ئۆزیورت، ئۆنور ئۆزیورت و ڤۆلکان یلدز ل جیھێ بوویەرێ ژیانا خوە ژ دەست دانە.
د بوویەرێ دە 7 کەسێن دن یێن بریندار ژی ژ بۆی نەخوەشخانەیێن جودایێن باژار ھاتن شاندن، لێ فەخری یلدز و ئۆزگور ئۆزیورت ژی ل گەل ھەموو ھەولدانان ل نەخواشخانەیێ ژیانا خوە ژ دەست دان و ھەژمارا کەسێن ژیانا خوە ژ دەست دایی گەھەشت 5 کەسان.
دەربارێ بوویەرێ دە لێکۆلین بەردەوام دکە و 4 کەسێن گومانبار ژی ژ ئالیێ پۆلیسان ڤە ھاتنە بنچاڤ کرن. ھەرواھا دەست ل سەر 4 دەمانچەیان ژی ھاتنە دانین.
