رێخستنا جوانێن شۆرەشگەر یا سەر ب پەکەکێ د رەڤاندنا زارۆکان و لەشکەرکرنا وان دە بەردەوامە، تەڤی کو رێبەرێ گشتی یێ وێ پارتیێ عەبدوللاھ ئۆجالان داخواز کریە کو پەکەکە خوە ھلوەشینە و چەک داینە.
بەریا نھا ب 2 رۆژان ژی بابێ 2 کەچێن رەڤاندی ل قامشلۆیێ ڤیدیۆیەک بەلاڤ کربوو و گەفا وێ یەکێ دکر کو ئەگەر ھەردو کەچێن وی ژ بۆی وی ڤەنەگەرینن، ئەو دێ خوە شەوتینت.
د سالا 2015 ھەموەلاتیەکی کوردێ ب ناڤێ فەیسەل مستەفا، پشتی کو رێ پێ نەھاتبوو دایین کو کەچا خوە ل یەکینەیێن پاراستنا ژنێن سەر ب پەکەکێ ڤە ببینە، کو بێی پرسا بابێ وێ ھاتبوو چەکدار کرن، خوە شەوتاند و ژیانا خوە ژ دەست دا.
رێخستنا جوانێن شۆرەشگەر یا گرێدایی پەکەکێ ھەتا نھا ب دەھان زارۆک رەڤاندینە و ئەو ب زۆرێ چەکدار کرنە.
