ناسنامه‌یا 3 چه‌كدارێن دن یێن په‌كه‌كێ ئاشكه‌ره‌بوو یێن كو دو مه‌هان به‌رێ ل چیایێ گاره‌ی كه‌تبوون به‌ر ئێریشان و رێخستنێ مرنا وان ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كی رۆژێن 6 و 8 نیسانا 2025ێ ناسنامه‌یا 3 چه‌كدارێن خوه دو ژێ ژن ئاشكه‌ره‌كر كو ل مه‌ها سباتا ئیسال 2025ێ ل چیایێ گاره یێ ل باشوورێ كوردستانێ كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دا نه.
ناڤێن وان ووسایه:
بنه‌فش سه‌لامی ژ رهایێ.
ئه‌ڤین خالد ژ جۆله‌مێرگێ.
خه‌لیل ره‌شید ژ عه‌فرینێ.
په‌كه‌كێ وه‌كه ته‌ڤ رێهه‌ڤالێن وان، مرنا ڤان چه‌كدارێن خوه ژی ئه‌ڤ دو مه‌هن ڤه‌شارتی هشتیه و ئیرۆ پاش ده‌رباسبوونا 60 رۆژان ژ نوو ڤه هاتیه و دبێژه مه هه‌ڤالێن خوه یێن ئاپۆیی وه‌ندا كرن!.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده هاتنه كوشتن و مرنا وان هه‌یا رۆژا مه یا ئیرۆ ڤه‌شارتی هشتیه، ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و مرنا وان ئیلان نه‌بوویه.
