وەزیرێ کارێن دەرڤەیێ ترکیەیێ هاکان فیدان راگهاند، نها تێکلیێن وان یێن باش ل گەل هەولێرێ هەنە و گۆت: ژ به‌ر په‌كه‌كێ ئه‌ڤ تشتی ژ بۆ سلێمانیێ نابێژن و پێویسته ئیراق ژی گاڤا بۆ ب ته‌رۆریست ناساندنا په‌كه‌كێ بئاڤێژه.
وەزیرێ کارێن دەرڤەیێ ترکیەیێ هاکان فیدان ل سەر کەنالا تەلەڤزیۆنێ یا ل ئیراقێ (ئو تی ڤی) یێ دەربارێ رۆژەڤێ داخویانی دا.
هاکان فیدان ئاماژە ب وێ یەکێ کر کو په‌كه‌كه ژ بۆ ترکیەیێ تەهدیدە و د سەری دە ل شنگالێ گەلەک جهـ کۆنترۆل کریە و گۆت: “بێگومان نها ژ بۆ حکوومەتا ئیراقێ گرنگە کو هەم ژ بۆ ئەولەهیا خوە و هەم ژی ژ بۆ ئەولەهیا هەرێمێ هن تەدبیران ل دژی په‌كه‌كێ ل پێش بخە.”
فیدان دیار کر کو سەرۆککۆمارێ ترکیەیێ رەجەپ ئەردۆگان ژ بۆ ئالیکاریا ئیراقێ تەعلیمات دایە پیشەسازیا پاراستنێ یا ترکیەیێ، وەزارەتا پاراستنێ و سازیێن دن یێن ئەولەهیێ و وها گۆت: “لێ ژ ئالیێ دن ڤە، هەلبەت د ڤێ قۆناغا شەرێ ل دژی تەرۆرێ دە ل ئیراقێ، هێڤیا مە ئەوە کو چاوا کو ئیراقێ ل دژی داعشێ تێکۆشان دا، هەمان تێکۆشانێ ل دژی په‌كه‌كێ ژی بدە.
تێکلیێن مەیێن باش ل گەل هەولێرێ هەنە
د بەردەوامیا ئاخافتنا خوە دە هاکان فیدان وها گۆت: «نها تێکلیێن مەیێن باش ل گەل هەولێرێ هەنە، ئەرێ. جەنابێ مەسعوود بارزانی ب راستی ژی هەتا ژ دەستێ وی تێ، هەول ددە، چارەسەریێن ئەرێنی هم ژ بۆ پرسگرێکێن هەرێمێ و هم ژی یێ ئیراقێ، بینە. مە ئەڤ یەک ب وی رە گەلەک جاران ژیایە، ئەم دبینن کو ئەو نها چ د وارێ تێکۆشینا ل دژی تەرۆرێ دە، چ د مژارا ئەنەرژیێ دە هەولێن بەربچاڤ ددن.
هەموو هەرێم دزانە کو رێزدار نێچیرڤان بارزانی چ قاسی ئاڤاکەر و ئالیکارە. ب گۆتنەکە دن ئەو کەسە کو ب راستی ل رێیان دگەرە کو پرسگرێکێن هەرێمێ ب ئاوایەکی ئاڤاکەر چارەسەر بکە.
رێزدار مەسروور بارزانی وەکی سەرۆکوەزیرێ هەرێمێ ل سەر وێ یەکێ یە کو دبێژە کا چاوا ئەز دێ بکاربم پرسگرێکێن ژێرخانی و ئاڤاهیسازیێ ل هەرێما کوردستانێ چارەسەر بکم.
واتە هەر کەس ل جهێ کو لێ یە ب خزمەتا گەل رە مژوولە. نها دەما ئەم ڤێ یەکێ دبینن ئەم پێ کێفخوەش دبن.
وەکی هوون ژی دزانن ئەم ژ بۆ سلێمانیێ هەمان تشتی نابێژن. ئەم هێڤیدارن کو هەڤالێن مە یێن یه‌نه‌كێ ل سلێمانیێ مینا هەولێرێ خوە ژ رێخستنا تەرۆرێ پاقژ بکن و دەرباسی زەمینەکێ ببن کو تەنێ باشیا گەلێ خوە بخوازن”.
