5 سازی و رێخستنێن مافێن مرۆڤان رەڤاندنا زارۆکان ژ ئالیێ جوانێن شۆرەشگەر ڤە شەرمەزار دکن و داخواز ژ هه‌سه‌دێ ژی دکن، رێ ل بەر ڤێ تاوانێ بگرە.
تۆرا کوردی بۆ مافێن مرۆڤان، رێخستنا مافێن مرۆڤان ل سووریێ (ماف)، رێخستنا بەرەڤانیکرنا ل گرتیێن رایێ (رەوانگەهـ)، کۆنیتەیا کوردی بۆ مافێن مرۆڤان ل سووریێ (راسد) و رێخستنا کوردی بۆ مافێن مرۆڤان ل سووریێ (داد) داخویانیەکە هەڤبەش دەربارێ رەڤاندنا زارۆکان ژ ئالیێ تەڤگەرا جوانێن شۆرەشگەر ڤە بەلاڤ کر.
د داخویانیێ دە هات گۆتن، تەڤی کو فەرماندارێ گشتییێ هه‌سه‌دێ مەزلووم عەبدی د 29ێ هەزیرانا 2019ان دە پەیمانەک ب نوونەرا تایبەتا سەکرەتەرێ گشتی یا ژ بۆ زارۆک و پەڤچوونێن چەکداری ڤرجینیا گامبا رە ئیمزە کر، ژ بۆ رێ ل بەر بچەککرنا زارۆکان بگرە، لێ هین ژی ئەڤ «تاوان» بەردەوامە.
ل گۆری وان رێخستنان، ئەو زارۆک ژ بۆ چەکدارکرنێ تێنە رەڤاندن کو ئەو سوودێ ژ رەوشا دارایی یا خراب یا مالباتان و پرسگرێکێن مالباتی وەردگرە.
ئەو سازی و رێخستنێن مافێن مرۆڤان دبێژن، رەڤاندنا زارۆکان ژ بۆ بچەککرنا وان، بنپێکرنا یاسا و بەلگەنامەیێن ناڤدەولەتی و مافێن زارۆکانە و وەک «تاوان» دیتن.
وان هەر 5 سازی و رێخستنان داخوازا ڤەگەراندنا زارۆکان د زووترین دەم دە کر. هەروها داخوازا شەرمەزارکرنا ڤی کاری و سزادانا ئالیێن بەرپرس د بەر رەڤاندنا زارۆکان و بچەککرنا وان دە کر.
