هاکان فیدان: مە باوەری ب ئیراقێ ھەیە ب تەمامی رووبروویی پەکەکێ ببە

وەزیرێ دەرڤەیێ ترکیەیێ ئاماژەیێ ددە کو، وان باوەری ب ئیراقێ ھەیە کا چاوا رووبروویی داعشێ بوویە، ھەر ب وی ئاوایی ب تەمامی رووبروویی پەکەکێ ژی ببە.

وەزیرێ دەرڤەیێ ترکیەیێ ھاکان فیدان ئیرۆ سێشەمبێ 8/4/2025 د چاڤپێکەفتنەکا تلەڤزیۆنی دە راگەھاند کو، ئەو پێشبینی دکن و باوەری ب ئیراقێ ھەیە کا چاوا رووبروویی داعشێ بوویە، ھەر ب وی ئاوایی ب تەمامی رووبروویی پەکەکێ ژی ببە.

ھاکان فیدان تەکەز ژی کر، “پەیوەندیێن ناڤبەرا ئەنقەرە و بەغدایێ گەلەک گرنگن و گەلەک رەھەندێن گرنگ ڤەدگرن، کو ئەنقەرە نکارە دەستان ژێ بەردە.”

ناڤبری ھەروەسا گۆت، “پەکەکە رێکخستنەکا تەرۆرستییە و بەشەک ژ ئاخا ئیراقێ، واتە ئاخا کورد و عەرەبێن وی وەلاتی و بەری ھەمیان ژی شنگال، داگیر کریە و دڤێت حکوومەتا ئیراقێ رێکاران ل بەرانبەری وێ ب جھ بینە.”