هەر وەها چەتەیێن پەکەکێ ل باژارێ کۆبانیێ زارۆکا بچووک یا ب ناڤێ حەنان عەبدولرەحمان عەبدو کو لگەل مالباتا خوە ل ھەرێما عەفرینێ کۆچبەر بووبوونە، رەڤاندیە.
د 17ێ ئادارا 2025 دە ژی چەتەیێن پەکەکێ کەچا 15 سالی یا ب ناڤێ نیرۆژ مستەفا حەمۆ یا ژ گوندێ مەتینێ یێ باژارێ کۆبانی ژ مالا وێ رەڤاند و ب ئارمانجا لەشکەرکرنا ب زۆرێ بەر ب جھەکی نەدیار ڤە بر.
نیرۆژ ژ مالباتەکە فەقیر و وەستیایی یە. دایکا وێ، سەلوا، نیڤ شەلەلی یە و د ژیانا خوە یا رۆژانە دە ب تەڤاھی گرێدایی نیرۆژێ یە، ژ بەر کو پێش نها کەچا خوە یا دن لەیلا ژ بەر مینەکا داعشێ ژ دەست دایە.
هەر وەها چەتەیێن پەکەکێ زارۆکەکێ دن یێ ب ناڤێ فەرھاد ئەحمەد سەعدوون کو د 10ێ نیسانا 2008 دە ژ دایک بوویە ژی رەڤاندیە.
بابێ فەرهاد، ئەحمەد سەعدوون د ڤیدەئۆیەکێ دە کو د مەدیایا جڤاکی دە پارڤە کربوو داخوازا ڤەگەراندنا کورێ خوە کربوو و تێ دە راگهاندبوو، “کورێ من ھەر تشتێ منە… پشتی کو نەخوەشیا دیا وی گرانتر بووی، یێ کو دەبارا مە دکە ئەوە. ژ بلی قیرینێن من ل کێلەکا نڤینێن وی تشتەک ژ بۆی من نەمایە، ژ خەلکێ لاڤا دکم کو ئالیکاریا من بکن دا کو وی ڤەگەرینم.”
هەر وەها ب حەسرەت ڤە دبێژە: “ئەم ژ جھەکی کۆچبەری ڤڕ بوون، ئەم ل بەندا ئالیکاریا کو قەت نەھات بوون و ل شوونا ھێڤیێ… من کورێ خوە وندا کر. ما گونەھا وی چ بوو؟ تاوانا دایکا وی چیە کو د ناڤ نڤینێن خوە دە لگەل نەخوەشیێ شەری دکە؟”
تێ زانین فەرماندارێ ھێزێن سووریا دەمۆکراتیک مەزلووم کۆبانێ د سالا 2019 دە لگەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان، ل سەر پەیمانەکێ ئیمزە کربوو، کو ئێدی زارۆکان تەڤلی ھێزێن خوە نەکە و زارۆکێن د ناڤ دە سەربەست بەردە، لێ تا نھا چ پابەندی ب وێ پەیمانێ نەھاتیە کرن، ھەر دەم چەکدارێن ب ناڤ و رەنگێن جودا د ناڤا هەسەدێ دە زارۆکان درەڤینن و تەڤلی لەشکەریا نەچاری دکن.
ل گۆری چاڤدێران ئارمانجا چەتەیێن ب ناڤێ “جوانێن شۆرەشگەر” ژ رەڤاندنا زارۆکێن تەمەن بچووک، شووشتنا مەژیێ زارۆکان ل گۆر بیردۆزیێن پارتیا کارکەرێن کوردستانێ و تەڤلیکرنا وان د ناڤا رەفێن لەشکەری یێن پارتیێ دەیە.
