ته‌ڤی پێڤاژۆیا ئاشتیێ و ئاگربه‌ستا ته‌كئالی یا په‌كه‌كێ، ئێریشێن ده‌وله‌تا ترك یێن ل دژی رێخستنێ ده‌وام دكن، د 5 رۆژان ده ده‌وله‌تا ترك ب ده‌هان ئێریشێن ئاسمانی ل هه‌رێمێن خاكوركێ، رۆژئاڤا زاپێ و گاره‌ی ئه‌نجام دا نه.
هه‌په‌گێ باسكێ له‌شكه‌ری یێ په‌كه‌كێ، ئیرۆ رۆژا پێنجشه‌می 10 نیسانا 2025ێ راگهاند؛ ده‌وله‌تا ترك ل رۆژێن 5، 6 و 7ی نیسانێ، ل هه‌رێمێن خاكوركێ، رۆژئاڤایێ زاپێ، سه‌رێ مه‌تینا و چیایێ گاره‌ی 25 ئێریشێن ب بالافرێن شه‌ر ل دژی چه‌كدارێن وێ ئه‌نجام دا نه.
ده‌ستنیشان كر، د ڤان ئێریشان ده گه‌له‌ك ده‌ڤه‌ر هاتنه بۆمبه‌باران كرن و په‌كه‌كێ به‌رسڤا هنه‌ك ئێریشان دا یه.
ل گۆری هه‌په‌گێ ژ رۆژا 7ی نیسانێ ژی، 818 جاران چه‌كێ گران و تۆپ ل دژی هه‌رێمێن گه‌ریلایان یێن ل خاكورك، گاره و مه‌تینایێ و رۆژئاڤایێ زاپێ هاتنه بكارئانین.
ته‌ڤی ده‌ستپێكرنا پیڤاژۆیا ئاشتیێ ل تركیه و باكورێ كوردستانێ و بانگا ئۆجالان یا چه‌كدانینا په‌كه‌كێ، ئێریشێن ده‌وله‌تا ترك هێژان ژی ده‌وام دكن، په‌كه‌كێ پشتی بانگا ئۆجالان یا 27 سباتا 2025ێ ئاگربه‌ستا ته‌كئالی راگهاندبوو.
