دەم پارتیێ دیار کر کو هەڤدیتنا هەیئەتا ئیمرالیێ یا ب سەرۆککۆمارێ ترکیەیێ رەجەپ تاییپ ئەردۆگان رە گەلەکی ئەرێنی بوو.
هەیئەتا ئیمرالیێ یا دەم پارتیێ ئیرۆ ب سەرۆککۆمارێ ترکیەیێ رەجەپ تاییپ ئەردۆگان رە جڤیابوو.
دەم پارتیێ ل سەر هەڤدیتنێ داخویانی دا و گۆت:
«هەڤدیتنا مە یا ب سەرۆککۆمارێ برێز رەجەپ تاییپ ئەردۆگان و شاندەیا وی رە، د كه‌شه‌كی گەلەکی ئەرێنی، بهێزکەر، بەرهەمدار و هێڤیدایی یا ژ بۆ پاشەرۆژێ دە پێک هات. گرینگیا خالا کو د پێڤاژۆیێ دە هاتیە گهیشتن هات دوپات كرن و ب هەڤدوو رە قۆناغێن پاشەرۆژێ هاتن نرخاندن.
هات ئیفادەکرن کو دەمەکە بێیی توندی و پەڤچوون کو قادا دەمۆکراتیک و سیاسی دێ تێ دە بهێز ببە، ژ بۆ وەلاتێ مە، هەموەلاتیێن مە و هەرێما مە خوەدی گرینگیەکە ژییانی یە.
هەیئەتا مە و پارتیا مە دێ د پێڤاژۆیا پێشیا مە دە ب ئیرادەیەک خورتتر و هەسساسیەتێ کارێن خوە یێن ژ بۆ بجهکرنا بانگاشیا ئاشتی و جڤاکا دەمۆکراتیک بدۆمینە.
ئەم ب سەربلندی پێشکێشی هەموو وەلاتێ خوە دکن کو ل گۆری خالا کو ئیرۆ هاتیە گهیشتن، ئەم ژ دوهی هێڤیدارترن.
ئەم سپاسیێن خوە پێشکێشی هەموو پارتیێن سیاسی و بەشێن جڤاکی دکن کو هەتا ئیرۆ ب پێشنیارێن خوە، هشیاریێن خوە و رەخنەیێن خوە هێز دانە پێڤاژۆیێ.”
هەڤدیتنێ هەیئەتا دەم پارتیێ و ئەردۆگان سائەتەک و 25 دەقەیان بەردەوام کربوو.
سەرۆکێ ئیستیخباراتا نەتەوەیی یا (میت)ێ ئیبراهیم کالن و سەرۆکوەکیلێ ئاک پارتیێ ئافکان ئالا ژی تەڤلی جڤینێ بوون.
پشتی 13 سالان رەجەپ تایییپ ئەردۆگان جارا یەکەم ب ئاوایەکی راستەراست ب نوونەرێن دەم پارتیێ رە جڤیابوو.
