داییکەک: چەکدارێن پەکەکێ کورێ من بەر ب قەندیلێ ڤە رەڤاند
گرووپا ب ناڤێ “جوانێن شۆرەشگەر” یا سەر ب پەکەکێ ڤە ل باژارێ کۆبانێ یا رۆژئاڤایێ کوردستانێ زارۆکەکی تەمەن 13 سالی، ب ئارمانجا چەکدارکرنا وی د ناڤا رەفێن پەکەکێ دە ژ بۆ قەندیلێ رەڤاند.
داییکا ئەحمەد مەحموود بۆزان یا ب ناڤێ روکەن مامۆ، کو کورێ وێ ژ ئالیێ چەکدارێن پەکەکێ ڤە ھاتیە رەڤاندن دبێژە: کورێ من دەما کو خوەستیە ڤەگەرە مالێ ژ ئالیێ چەکدارێن پەکەکێ ڤە ھاتیە رەڤاندن. سۆز دان من پشتی تەمامکرنا دەورەیەکی دێ کورێ من ڤەگەرینن، لێ سۆزا خوە بجیھ نە ئانین.
ھەروەھا گۆت، نامەیەک ژ بۆ من ھات کو کورێ من شاندنە قەندیلێ، لێ کورێ من زارۆکە و شیانا وی یا ھەلگرتنا چەک تنە.
داییکا ب ناڤێ روکەن مامۆ گۆت: بانگەوازیا من ژ بۆ فەرماندارێ ھێزێن سووریا دەمۆکراتیک مەزلووم عەبدییە کو بهێت سەر خەتێ و کورێ من ڤەگەرینە.
د دەمێن بۆری دە گەلەک کەس ھاتن رەڤاندن و د چەند رۆژێن بۆری دە ژی کەچەکە دن یا ل رۆژئاڤایێ کوردستانێ رەڤاندن کو تاکانە بوو و پشترا بابێ وێ پەیامەک ڤیدیۆیی بەلاڤ کر و گۆت ئەگەر کەچا وێ ئازاد نەکن، دێ ئاگری بەردە بەدەنا خوە.
ھەروەھا چەکدارێن پەکەکێ ل رۆژئاڤایێ کوردستانێ گەلەک ئەندامێن ئەنەکەسێ و چالاکڤان و رۆژنامەڤانێن کورد ژ بۆ جیھێن نەدیار رەڤاندنە و ھەتا نھا چارەنڤیسا وان نەدیارە.
