ژنەکا کورد بانگ ل فەرماندارێ ھێزێن سووریەیا دەمۆکراتیک (ھەسەدێ) مەزلووم عەبدی کر کو 3 زارۆکێن وێ یێن 13، 14 و 15 سالی یێن کو ژ ئالیێ گرووپا چەتەیان یا ب ناڤێ “جوانێن شۆرەشگەر” یێن سەر ب پارتیا کارکەرێن کوردستانێ (پەکەکێ) ڤە ھاتنە رەڤاندن، ڤەگەرینە. ئەڤ دایک دپرسە، “گەلۆ چ ئەخلاق د ڤی کارێ هوون دکن دە هەیە؟ ما ھوون چەتە و تەرۆریستن؟
خەدیجە ئیسماعیل، داییکا ھەر سێ زارۆکێن رەڤاندی کو ژ گوندێ ئارنایێ یێ سەر ب کۆبانێ ڤە نە د ڤیدیۆیەکێ دە راگھاند: “پەکەکێ 3 زارۆکێن من رەڤاندنە، زارۆکێ یەکەم د سالا 2014 دە، زارۆکێ دویەمین د سالا 2017 دە و زارۆکێ سێیەمین ژی کو ناڤێ وی کامیران حەمۆ ئیسماعیلە و 13 سالی یە، رۆژا 2 نیسانێ ل گوندێ ئارنایێ ل بەر دەریێ مالا وان ھاتیە رەڤاندن.
د ڤێ ڤیدیۆیێ دە ئەڤ داییک دپرسە؛ “گەلۆ ما کارێ کو ‘جوانێن شۆرەشگەر’ دکە ئەخلاقی یە؟ ما وە نەگۆت تەمەنێ ھەری کێم ژ بۆ چەکدارکرنێ 18 سالن، ھوون چ دکن؟ ما ھوون چەتە و تەرۆریستن؟ کورێ من یێ بچووک ڤەگەرینن مالێ، ئەو نکارە چەکی هلگرە، گەر ژ 18 سالیێ زێدەتر بوو وەرن ببن.”
لەشکەرکرنا زارۆکێن تەمەن بچووک ژ ئالیێ رێخستنا ب ناڤێ “جوانێن شۆرەشگەر” یێن سەر ب پەکەکێ ڤە بەردەوامە، ڤان چەتەیان ب تەنێ د مەھا ئادارێ دە ب دەھان زارۆک رەڤاندنە.
زێدەبوونا رەڤاندنا زارۆکان ژ ئالیێ چەتەیێن پەکەکێ “جوانێن شۆرەشگەر” ڤە ژ بۆ کو وان تەڤلی پەکەکێ بکە ھەڤدەمە لگەل بانگا سەرۆکێ گرتی یێ پەکەکێ عەبدوللاھ ئۆجالان یا ژ بۆ ھلوەشاندنا پەکەکێ و دانینا چەکان و بەشداربوونا پرۆسەیا ئاشتیێ. ئەڤ یەک پرسێن جدی ل سەر ئامادەیی و نیەتا پەکەکێ ژ بۆ بەرسڤدانا بانگا سەرۆکێ خوە دەردخە ھۆلێ.
ھێژایی بالکشاندنێیە کو چەتەیێن پەکەکێ “جوانێن شۆرەشگەر” ئیسال ل دەڤەرێن د بن کۆنترۆلا پەیەدێ دە ب دەھان زارۆکێن تەمەن بچووک ب ئارمانجا کو ب زۆرێ وان چەکدار بکە و تەڤلی ناڤا رەفێن پەکەکێ بکە، رەڤاندنە، لێ د دەما داوی دە ئەڤ ئۆپەراسیۆنێن رەڤاندن و لەشکەرکرنێ زێدە بوونە.
🔴ژنەکا کورد ژ مەزلوم عەبدی داخواز دکە کو 3 زارۆکێن وێ یێن رەڤاندی ڤەگەرینە
♦️ژنەکا کورد بانگ ل فەرماندارێ ھێزێن سووریەیا دەمۆکراتیک (ھەسەدێ) مەزلووم عەبدی کر کو 3 زارۆکێن وێ یێن 13، 14 و 15 سالی یێن کو ژ ئالیێ گرووپا چەتەیان یا ب ناڤێ "جوانێن شۆرەشگەر" یێن سەر ب پارتیا کارکەرێن… pic.twitter.com/vv8RlwlifT
— داركا مازی ئارامی (@DarkaMaziKurdi) April 12, 2025
