رێخستنا جوانێن شۆرەشگەر یا گرێدایی پارتیا کارکەرێن کوردستانێ (پەکەکێ) زارۆکەک ژ باژارۆکێ تل تەمرێ ب ئارمانجا لەشکەرکرنا وی رەڤاند.
ل گۆر ئاگاهیان، چەتەیێن ب ناڤێ “جوانێن شۆرەشگەر ل باژارێ تل تەمرێ زارۆکێ 15 سالی یێ ب ناڤێ مەحموود محەمەد عکلە ب ئارمانجا لەشکەرکرنا ب زۆرێ رەڤاندیە.”
داییکا زارۆکێ رەڤاندی د پارچە ڤیدیۆیەکێ دە کو د سۆسیال مەدیایێ دە پارڤە کریە داخوازا ڤەگەراندنا زارۆکێ خوەیێ رەڤاندی دکە.
مالباتا محەمەد عەلی خەلەف ژ باژارێ کۆبانێ یێ رۆژئاڤا کوردستانێ یە و ب دەھان سالن ل باژارۆکێ تل تەمرێ دژی.
تێ زانین فەرماندارێ ھێزێن سووریا دەمۆکراتیک مەزلووم کۆبانێ د سالا 2019 دە لگەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان، ل سەر پەیمانەکێ ئیمزە کربوو، کو ئێدی زارۆکان تەڤلی ھێزێن خوە نەکە و زارۆکێن د ناڤ دە سەربەست بەردە، لێ تا نھا چ پابەندی ب وێ پەیمانێ نەھاتیە کرن، ھەر دەم چەکدارێن ب ناڤ و رەنگێن جودا د ناڤا هەسەدێ دە زارۆکان درەڤینن و تەڤلی لەشکەریا نەچاری دکن.
ل گۆری چاڤدێران ئارمانجا چەتەیێن ب ناڤێ “جوانێن شۆرەشگەر” ژ رەڤاندنا زارۆکێن تەمەن بچووک، شووشتنا مەژیێ زارۆکان ل گۆر بیردۆزیێن پارتیا کارکەرێن کوردستانێ و تەڤلیکرنا وان د ناڤا رەفێن لەشکەری یێن پارتیێ دەیە.
