رێبەرێ گرتی یێ پەکەکێ عەبدوللاھ ئۆجالان ژ دەم پارتیێ نیگەرانە و د وێ باوەریێ دە یە کو وەکە پێویست سیاسەتێ ناکە هەیا کو بکارە گرسەیا خوە زێدە بکە.
برازایێ عەبدوللاھ ئۆجالان، عۆمەر ئۆجالان ژ بۆ جەژنا رەمەزانێ چوو سەردانا وی، د وێ سەرەدانێ دە بەحسا دەم پارتیێ لگەل ئۆجالان کریە، ئۆجالان ژ وی رە گۆتە، دەم پارتی ژ ئالیێ گرسەیی ڤە چەوایە و سیاسەتا ڤێ پارتیێ ژ ئالیێ خەلکێ ڤە چەوا تێ هەلسەنگاندن؟
وەکە کو عۆمەر ئۆجالان ژ کانالەکە تەلەفزیۆنی رە باس دکە، وی ژ ئۆجالان رە گۆتیە: «رەوشا دەم پارتیێ پر باشە، ل گۆر راپرسینێن هاتنە کرن، دەنگێن دەمێ دگهن 13%».
ئۆجالان ژ بەر ڤێ بەرسڤێ گەلەکی نیگەران بوویە، ئۆجالان گۆتیە چەوا دبە دەنگێ دەمێ %13 بن؟ دڤێت نھا %20 بوویا، خویایە وەکە پێویست سیاسەتێ ناکە.
عۆمەر ئۆجالان هەر وەها گۆت: «ئۆجالان ژ من رە گۆتیە، سیاسەت خەبتینە نە وەک ئاخاڤتنا زێدە، دەما ئەز زارۆک بووم، هەتتا ل مزگەفتێ ژی گرووپا من هەبوو، ل دبستانێ ژی من خوە برێخستن کربوو و گرووپا من هەبوو. دەم پارتیێ وەکە پێویست خوە برێخستن نەکریە و دڤێت ژ ڤی ئالی ڤە کار بکە».
