یانەیا دھۆکێ بوو قەھرەمانا جاما کەنداڤی

د یاریا داویێ یا جاما کەنداڤی دە، یانەیا دھۆکێ ب دو گۆلان ل بەرنابەری گۆلەکێ ل بەرانبەری یانەیا قادسیەیێ یا کوێتی ب سەر کەفت.

یانەیا دھۆکێ یا وەرزشی ئیرۆ سێشەمبێ 15/4/2025 د قەھرەمانیا جاما کەنداڤی دە رووبروویی یانەیا قادسیەیێ یا کوێتی بوو، یاری ژی ب ئەنجامێ دو گۆلان ل بەرانبەری گۆلەکێ د بەرژەوەندیا یانەیا دهۆکێ دە بداوی ھات.

گۆلێن دھۆکێ ل خولەکێن 66 و 93 ژ ئالیێ سیابەند عەگید و مارلۆن دۆس سانستۆس ڤە ھاتن تۆمارکرن، یەکانە گۆلا یانەیا قادسیەیێ ژی ل دەقیقەیا 70 ژ ئالیێ محەمەدسۆلە ڤە ھات تۆمارکرن.

ئەڤ ژی جارا یەکێیە د دیرۆکێ دە کو یانەیەکە کوردی دبە قەھرەمانا جاما کەنداڤی.

سەرۆکوەزیرێ ھەرێما کوردستانێ مەسروور بارزانی ژی ل ناڤ یاریگەھا دھۆکێ ئامادەیە و تەڤلی پێشکێشکرنا خەلاتان ب یاریزانێن ھەر دو یانەیان دبە.