سەرۆکوەزیرێ ھەرێما کوردستانێ مەسروور بارزانی ئیرۆ 16ێ نیسانێ د چارچۆڤەیا گوفتووگۆیەکا تایبەت د 9ەمین دیدارا سلێمانیێ دە دەربارێ چارەنڤیسا کوردێن رۆژئاڤایێ کوردستانێ دە گۆت: “خوشک و برایێن مەیێن ل سووریەیێ دکارن ژ ئەزموونا ھەرێما کوردستانێ سوود وەربگرن، کو ئەزموونەک دەولەمەندە. مە گەلەک خوەشی و نەخوەشی دیت. ئەو دکارن ژ کرنێن مەیێن باش سوود وەربگرن و شاشیێن مە دوبارە نەکن، ب نێرینا من، شیرەتا ھەری باشە ژ بۆ برا و خوشکێن مەیێن ل سووریەیێ. ژ بۆ مەیا گرینگ یەکیتی و ھەڤگرتنا وانە. ھەر کو کوردێن سووریەیێ بێتر یەکگرتی بن، ئەو قاس بێتر دکارن مافێن خوەیێن رەوا بپارێزن. ژ بۆ گھیشتنا رێکەفتنەکێ لگەل رایەدارێن شامێ کو ھەموو مافێن کو ئەو دخوازن بدەست بخن.”
وەکی کو سەرۆکوەزیرێ ھەرێما کوردستانێ گۆتیە: “سووریە وەلاتەکی پر نەتەوە یە، ژ ھێلا جوگرافی و ئەتنیکی ڤە گەلەک جوداھی ھەنە. ژ ئالیەکی ڤە، ل دەڤەرێن کوردستانی گەلەک کورد ھەنە. ئالیێن دن یێن ل باکور-رۆژئاڤایێ سووریەیێ، نێزیکی ترکیەیێ و ھەڤالبەندێن وێ نە. ل دەڤەرێن بەراڤێ یێن دەریایا سپی عەلەوی و ل باشوورێ سووریەیێ ژی دورزی ھەنە. ھەتا پێکھاتەیا عەشیرێن عەرەبێن ل سووریەیێ ژی، ھەموو نە د ھەمان نێرینێ دە نە.”
