ھێزێن ئەولەکاریا ھوندرین (ئاساییش) د ئۆپەراسیۆنێ دە 27 ئەندامێن شانەیێن داعشێ ل کامپا ھۆلێ گرتن.
رەوانگەھا سووری بۆ مافێن مرۆڤان ئیرۆ 19ێ نیسانێ بەلاڤ کر، ھێزێن ئاساییشێ ب بەشداریا یەکینەیێن پاراستنا ژن (یەپەژێ) و ھەسەدێ، ل کامپا ھۆلێ یا ل باشوورێ حەسەکێ ژ بۆ لێگەرینا چەکدارێن شانەیێن رێخستنێ، ئۆپەراسیۆنەکە ئەولەھیێ ل دار خست.
دیار کر ژی، د ئۆپەراسیۆنێ دە 27 ئەندامێن شانەیێن داعشێ ھاتن گرتن.
ئەڤ یەک د چارچۆڤەیا ھەولێن ژناڤبرنا شانێن رازایی یێن داعشێ و سینۆردارکرنا چالاکیا وێ د ناڤا کامپێ دە تێ، کو ئەو یەک ژ خالێن ئەولەکاری یێن ھەری مەترسیدار ل ھەرێمێ تێ ھەژمارتن.
ئەڤ ئۆپەراسیۆن پشتی چەند جاران گەفێن ئەولەھی و بوویەرێن د ناڤا کامپێ دە پێک ھات، کو ئاسایشێ دەست ب لێگەرینێن بەرفرەھ ل ھوندرێ کۆنان کرن.
