حکوومەتا ترکیەیێ بریار دایە کو 25 ھەزار مامۆستەیێن گرێبەرست بکت دایمی، کو ژ وان تەنێ 6 مامۆستەیێن زمانێ کوردی نە.
ھەفتەیا بۆری، پشتی جڤینا ھەفتانەیا کابینەیێ، سەرۆککۆمارێ ترکیەیێ رەجەب تەییب ئەردۆگان راگھاند، ئەو دێ 25 ھەزار مامۆستەیێن گرێبەست ب ئاوایەکی دایمی دامەزرینن.
وەزارەتا پەروەردەھیێ د داخویانیەکێ دە گۆت، 25 ھەزار مامۆستەیێن گرێبەست دێ ببن دایمی، ل گۆری داخویانیێ، تەنێ 6 مامۆستە دێ ژ بۆ زمانێ کوردی، ژ وان پێنج مامۆستە ژ بۆ زاراڤەیێ کورمانجی و مامۆستەیەک ژی ژ بۆ زاراەایێ زازاکی هێن دامەزراندن.
وەزارەتا پەروەردەھیێ دا زانین، مامۆستە دڤێت ژ 21ێ نیسانێ ھەتا 5ێ گولانا 2025 فۆرمەکا قەیدکرنا ئەلەکترۆنیکی تژی بکن و دێ د مەھا گولانێ دە ئەزموون ب وان هێن کرن.
ل گۆری ئامارێن وەزارەتا پەروەردەھیێ یا ترکیەیێ، ژ سالا 2012 ڤە 159 مامۆستەیێن زمانێ کوردی ژ بۆ فێرکرنا کورمانجی و زازاکی ھاتنە دامەزراندن.
ژ سالا 2012 ڤر ڤە، زمانێ کوردی ل دبستانێن ترکیێ و باکورێ کوردستانێ، وەکی وانەیا بژارتە دهێت فێرکرن.
