پارێزگەرێ کەرکووکێ یێ بەرێ ل باژارێ بەغدایێ ب تۆمەتا گەندەلیێ هات دەستەسەرکرن.
بەردەڤکێ هەڤپەیمانیا ئەزمێ ل کەرکووکێ ئەزائم حەمدانی ژ پەیامنێرێ ک24ێ سۆران کامەران رە راگەهاند، «پارێزگەرێ کەرکووکێ یێ بەرێ راکان سەعید جبووری هاتیە دەستەسەرکرن، لێ ئەم نزانن تۆمەتا وی چیە».
ل دوو زانیارێن پەیامنێرێ ک24ێ، پارێزگەرێ کەرکووکێ یێ بەرێ ب تۆمەتا دۆزەکە گەندەلیێ ل دادگەها رەسافەیێ یا بەغدایێ هاتیە دەستەسەرکرن، کو پەیوەندی ب ئالیکاریێن مالباتێن ئاوارەیێن شەرێ داعشێ ڤە هەیە.
ل دوو زانیاران، راکان جبووری ل دوو مادەیا 340ێ هاتیە دەستەسەرکرن و ب فەرمانا دادوەری هاتیە گرتن هەتا یەکئالیکرنا دۆزا وی.
راکان جبووری پشتی روودانێن 16ێ جۆتمەها 2017ێ بوو پارێزگەرێ کەرکووکێ یێ سەپاندی و هەتا رۆژا 11.08.2024ێ ل سەر پۆستێ خوە بەردەوام بوو. پاشتر رێبوار تاها ل جهێ وی هات دانان.
