ناسنامه‌یا 12 گه‌ریلایێن دن یێن په‌كه‌كێ ئاشكه‌ره بوو كو د سالێن به‌رێ ده هاتنه كوشتن، رێخستنێ مرنا وان ڤه‌شارتی هشتبوو و ئیرۆ ژ نوو ڤه ده‌ركه‌ت هۆلێ كو ئه‌و د ژیانێ ده نه‌مانه.
په‌كه‌كێ د مه‌دیایا خوه ده ل رۆژێن 18، 20 و 21 نیسانا 2025ێ وێنه‌یێن 12 كه‌چ و جوانێن كوردان پارڤه‌كرنه كو هه‌ر هه‌موویان 3 سالان به‌رێ و ل سالا رابووری 2024ێ ل باشوورێ كوردستانێ، كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دا نه.
رێخستنێ ئه‌ڤ كه‌چ و جوانێن كوردان وه‌كه ب هه‌زاران رێهه‌ڤالێن وان به‌رێ وان دا مرنێ و ئیرۆ هاتیه د په‌سنێ وان ده دبێژه: «هه‌ڤالێن مه فه‌دایێ ئاپۆ بوون، ئه‌م وان ب رێزداری ب بیر تینن».
په‌كه‌كه هه‌ر رۆژ وێنه‌یێن كۆمێن جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده هاتنه فه‌دا كرن و مرنا وان ب سالانه ڤه‌شارتی مایه.
