كورێ سالح موسلم هه‌ڤسه‌رۆكێ به‌رێ یێ پارتیا یه‌كێتیا ده‌مۆكراتیك په‌یه‌دێ ب سه‌ده‌ما تجاره‌تا حه‌بێن كاپتاگۆن ل سه‌ر رییا نێڤبه‌را ره‌ققا و كۆبانێ ده هات گرت.
داركا مازی ژ چاڤكانیێن خوه یێن تایبه‌ت ل رۆژئاڤا كوردستانێ هین بوو كو كوڕێ سالح موسلم یێ ب ناڤێ «ئامه‌د» ب دو رێهه‌ڤالێن خوه ره ل یێك ژ خالێن پشكنینێ یێن ل سه‌ر رێیا نێڤبه‌را ره‌ققا و كۆبانێ ده هات گرتن، پشتی ئاشكه‌ره بووی كو قه‌باره‌یه‌كی مه‌زن یێ حه‌بێن «كاپتاگۆن» د ئه‌ره‌به‌یا وان ده بوون.
ل گۆری ئاگاهیێن ده‌ستێ مه، «ئامه‌د سالح موسلم» و رێهه‌ڤالێن وی یێن ب ناڤێ «محه‌مه‌د خه‌لیل و ئه‌حمه‌د حیتۆ» ل شه‌ڤا 25 سه‌ر 26 ئادارا 2025ێ ژ باژارێ ره‌ققه به‌ر ب كۆبانێ ب رێ كه‌تن، وان قه‌باره‌یه‌كی مه‌زن یێ حه‌بێن كاپتاگۆن خستبوون د ناڤا تایرا سپێر یا ئه‌ره‌به‌یا خوه ده.
پشتره ل خالا پشكنینێ یا ئاساییشا په‌یه‌دێ یا ل باشوورێ كۆبانێ هاتن گرتن و بۆ بنگه‌ها ئاساییشێ یا كۆبانێ هاتن ڤه‌گوهه‌ستن.
چاڤكانیێن مه ئاشكه‌ره كرن، ئامه‌دێ كوڕێ هه‌ڤسه‌رۆكێ به‌رێ یێ په‌یه‌دێ به‌رێ ژی چه‌ندین جاران ل سه‌ر تجاره‌تا هشبه‌رێ هاتیه ده‌سته‌سه‌ر كرن، لێبه‌لێ ب سه‌ده‌ما پێگه‌ها بابێ وی ئه‌و سه‌ربه‌ست دهات به‌ردان.
مادده‌یێ هشبه‌ر یێك ژ چاڤكانیێن سه‌ره‌كه یێن ده‌ستخستنا په‌ره‌یێن په‌كه‌كێ و باسكێن وێ یه، ل گۆری راپۆرێن یه‌كتیا ئه‌ورۆپایێ، په‌كه‌كه سالانه قاسی 3 ملیار دۆلار په‌ره ژ تجاره‌تێ هشبه‌رێ ده‌ستێخه.
