رێخستنا چەتەیان یا ب ناڤێ “جوانێن شۆرەشگەر” یا گرێدایی پارتیا کارکەرێن کوردستانێ (پەکەکێ) کەچەکا تەمەن بچووک یا ژ گوندەوارێن کۆبانی رەڤاند.
ل گۆری چاڤکانیێن ھەرێمی رێخستنا “جوانێن شۆرەشگەر” فەرەح محەمەد عەبدۆ یا 15 سالی ژ گوندێ کالت قاری بەگ یێ گوندەوارێن کۆبانی رەڤاندیە. رێخستنێ ئەو بریە کامپێن پەیەدێ یێن لەشکەرکرنا زارۆکان کو ل چەند دەڤەرێن رۆژئاڤا کوردستانێ بەلاڤ بوونە.
داییکا فەرەحێ د ڤیدیۆیەکێ دە بانگ ل فەرمانداریا هەسەدێ و رێخستنێن مرۆڤی و مافێن مرۆڤان کر کو دەستوەردانێ بکن و کەچا وێ یا کو د ڤان شەرت و مەرجێن زەحمەت دە هاریکاریا دەبارا مالباتا خوە دکر، ڤەگەرینن مالا وێ.
داییکا فەرەحێ ب دلگرانی ئانی زمان کو تەڤی شەرت و مەرجێن ژیانا وان یا دژوار، وان خانی ل کۆبانی کرێ کربوو دا کو فەرەح بکاربە خوەندنا خوە بدۆمینە، لێ مەندەهۆش مان دەما کو ئەڤ بریارە ب رەڤاندنا کەچا وان یا بچووک ڤەگوھەری کارەساتەکێ.
