د ڤێ پێڤاژۆیا دەستژێبەردانا چەک دانان و کۆنگرەیا هلوەشاندنا پەکەکێ دە رۆژانە نرخاندنێن جودا تێنە کرن. د ڤێ دەربارێ دە ژ رۆژنەمەیا سەربەستیەتێ رۆژنەمەڤان یلدرم ئۆگور دبێژە: “کۆنگرەیا هلوەشاندنێ یا پەکەکێ ئیحتیمالە داویا ڤێ ھەفتەیێ بهێت لدارخستن. ئیحتیمالا ھەری خورت 27 نیسانێ رۆژا یەکشەمبێ کۆنگرە بێ لدارخستن، کۆنگرە نە ل قەندیلێ لێ ل سلێمانیێ ل دەڤەرەک نە ھاتی ئەشکەرەکرن دێ وەرە لدارخستن. پێڤاژۆیا “ترکیەیا بێتەرۆر” یا کو ب بانگا سەرۆکێ گشتی یێ مەھەپێ دەولەت باخچەلی د 22 جۆتمەھا 2024 دە دەست پێ کر، ب ئاوایەک پلانکری بەردەوام دکە.”
ئۆگور دبێژە: “ئەم چاوا ڤێ یەکێ دزانین؟ ژ بەر کو بەردەڤکێ ئاک پارتیێ عۆمەر چەلیک راگھاند کو ئەو د داویا مەھا نیسانێ دە ل ھێڤیا نووچەیێن باشن.ھەڤسەرۆکێ دەمێ باکرھان ژی گۆت، “سێشەما بهێت ئەم دێ رۆژەڤەکا دن ببینن. کۆنگرەیا تەسفیەکرنا پەکەکێ دبە کو داویا ڤێ ھەفتەیێ وەرە لدارخستن.
ئیحتیمالا ھەری خورت رۆژا یەکشەمبێ، 27 نیسانێ یە.
دبە کو نە د شکەفتێن قەندیلێ دە، ل تاخەکا نشتەجھبوونێ یا سلێمانیێ بێ لدارخستن.
و ژ بەر سەدەمێن ئەولەھیێ ئەم چ جاران داخویانیا رۆژا کۆنگرەیێ نابھیسن.
ئەم دێ بەرێ خوە دن نووچەیێن کو کۆنگرە تێ لدارخستن.
خویایە کو د پێڤاژۆیا چارەسەریێ دە هەر تشت باش دبن. “
