رێخستنا چەتەیان یا ب ناڤێ “جوانێن شۆرەشگەر” یا گرێدایی پارتیا کارکەرێن کوردستانێ (پەکەکێ) کەچەکە تەمەن بچووک ژ تاخا شێخ مەقسوود یا باژارێ حەلەبێ ب ئارمانجا تەڤلیکرنا وێ د ناڤا رەفێن پارتیێ دە رەڤاند.
ل گۆری چاڤکانیێن خوەجھی، رێخستنا چەتەیان یا ب ناڤێ “جوانێن شۆرەشگەر”، فەریدە خەلیل محەمەد یا 16 سالی ژ تاخا شێخ مەقسوودا حەلەبێ، بێیی ئاگاھداری و رازیبوونا مالباتا وێ، رەڤاندیە و بەر ب کامپێن لەشکەرکرنا زارۆکان یێن پەیەدێ ڤە بریە.
د ڤیدیۆیەکێ دە ژی دایکا زارۆکا رەڤاندی داخواز ژ فەرماندارێن هەسەدێ و رێخستنێن مرۆڤی و مافێن مرۆڤان دکە کو دەستوەردانێ بکن و کەچا وێ ڤەگەرینن مالا خوە.
تێ زانین فەرماندارێ ھێزێن سووریا دەمۆکراتیک مەزلووم کۆبانێ د سالا 2019 دە لگەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان، ل سەر پەیمانەکێ ئیمزە کربوو، کو ئێدی زارۆکان تەڤلی ھێزێن خوە نەکە و زارۆکێن د ناڤ دە سەربەست بەردە، لێ تا نھا چ پابەندی ب وێ پەیمانێ نەھاتیە کرن، ھەر دەم چەکدارێن ب ناڤ و رەنگێن جودا د ناڤا هەسەدێ دە زارۆکان درەڤینن و تەڤلی لەشکەریا نەچاری دکن.
ل گۆری چاڤدێران ئارمانجا چەتەیێن ب ناڤێ “جوانێن شۆرەشگەر” ژ رەڤاندنا زارۆکێن تەمەن بچووک، شووشتنا مەژیێ زارۆکان ل گۆر بیردۆزیێن پارتیا کارکەرێن کوردستانێ و تەڤلیکرنا وان د ناڤا رەفێن لەشکەری یێن پارتیێ دەیە.
