دو جوانێن ئێزدی یێن رەڤاندی، پشتی زێدەتری 10 سالان ژ رەڤاندنا وان، رادەستی مالباتێن وان هاتن کرن.
پشتی زێدەتری 10 سالان ژ رەڤاندنا وان ژ ئالیێ رێخستنا تەرۆرستی یا داعشێ ڤە، دو جوانێن ئێزدی ب رێیا دەریێ سنۆری یێ رەبیعەیێ رادەستی مالباتێن وان هاتن کرن.
یەک ژ وان جوانان دیار عەلی رەڤۆیە، کو خەلکێ گوندێ کۆچۆیێ یە و ل سالا 2003ێ هاتیە سەر دنیایێ، یێ دن ژی ئۆسمان خەیلۆ خودێدایە، کو خەلکێ گوندێ وردیەیێ یە و ل سالا 2007ێ هاتیە سەر دنیایێ.
وان هەر دو جوانێن ئێزدی د دەما وان چەند سالان دە رەنج و ئازارەکە زێدە کێشایە. دیاری چاڤەکێ خوە وندا کریە، هەروەسا ژ بەر مەشق و راهێنانێن بزەحمەتێن رێکخستنا تەرۆرستی یا داعشێ دەستێ ئۆسمانی یێ راستێ هاتیە برین.
هێشتا ب سەدان مالباتێن ئێزدی ب هزرەت ل بەندا ئازادکرنا عەزیزێن خوەنە. ئەڤ ژی د دەمەکێ دەیە کو، بزاڤ ژ بۆ ئازادکرن و چارەکرنا ڤێ کریزا مرۆڤی بەردەوامن.
