ھەڤسەرۆکێ دەم پارتیێ تونجەر باکرھان دەربارێ پێڤاژۆیا ئاشتیێ دە راگھاند، ئەو ھێژ د دەسپێکا پێڤاژۆیێ دا نە و د رۆژەڤێ دا هیچ بازارەک نینە.
ھەڤسەرۆکێ دەم پارتیێ تونجەر باکرھان ژ بۆ مەدیایا ترکیەیێ ئاخڤی و راگھاند، دەربارێ پێڤاژۆیا ئاشتیێ دە چ بازاری نینە، ھەموو تشت ئەشکەرە تێ مەشاندن و باوەر دکن پێڤاژۆ دێ بسەر بکەڤە.
باکرھان گۆت ژی، ئەو گرنگیەکا مەزن ددن دەستپێشخەریا سەرۆکێ مەھەپێ دەولەت باخچەلی بۆ پێڤاژۆیا ئاشتیێ و دا زانین، د ناڤبەرا ئالیان دە مژارێن بازاریکرنێ نینن و تشتەک ژی داوی نەبوویە. نییازەکا باش یا ئالیان ھەیە و ژ بۆ ئاشتی و چارەسەریێ دەری ھاتیە ڤەکرن.
باکرھان گۆت، پرسگرێکا سەد سالان یا ترکیەیێ یەکەم جارە ئەوقاس بەرفرەھ، دبە مژارا نیقاشان و تێ گۆتووبێژکرن. مژارا دانینا چەکان گرنگە، لێ دڤێت میکانیزمێن بریارێ یێن سیاسەتێ رێیێن چارەسەریێ بگرن پێش خوە.
باکرھان ئاماژە ب وێ ژی کر، ئەو دەربارێ سەرکەفتنا پرۆسەیێ دە گەشبینن و چ جاری بێھێڤی نەبوونە و ھەول ددن ڤێ ھێڤیێ گاڤەک زووتر جیبجی بکن.
