وه‌زاره‌تا به‌رگریێ یا تركیه‌یێ راگهاند، عه‌سكه‌ره‌كێ وان كو ل هه‌رێما كوردستانێ بریندار بوو، ئیرۆ ل نه‌خوه‌شخانه‌یێ ژیانا خوه ژ ده‌ست دا.
وه‌زاره‌تا به‌رگریێ یا تركیه‌یێ ئیرۆ رۆژا یه‌كشه‌می 4 گولانا 2025ێ راگهاند عه‌سكه‌ره‌كێ وان یێ ب ناڤێ ئۆندەر ئۆزەن كو ل چیایێ خاكوركێ یێ ل هه‌رێما كوردستانێ د چالاكییا ل دژی رێخستنا په‌كه‌كێ ده برینداربوو، ل نه‌خوه‌شخانه‌یا كو لێ دهات ته‌داوی كرن، ژیانا خوه ژ ده‌ست دا.
وه‌زاره‌تێ ده‌ستنیشان كر، عه‌سكه‌رێ وان ب سه‌ده‌ما ته‌قینا بۆمبه‌كێ بریندار بوو.
ته‌ڤی هه‌ولێن پێڤاژۆیا ئاشتیێ و ئاگربه‌ستا ته‌كئالی یا رێخستنا په‌كه‌كێ، لێبه‌لێ هێژان ژی ئێریشێن ده‌وله‌تا ترك یێن ل هه‌رێما كوردستانێ ل دژی رێخستنێ ده‌وام دكن، په‌كه‌كه ژی رادگهینه كو ئه‌و جارنا به‌رسڤا ئێریشان ددن.
