ئامەریکایێ ئێریشێن خوەیێن ئاسمانی بۆ سەر حووسیێن یەمەنێ زێدەتر کرنە و دەرەنگێ شەڤا بۆری 29 ئێریشێن ئاسمانی کرنە سەر پێگەھێن حووسیان ل پێنج پارێزگەھێن یەمەنێ.
ئامەریکایێ بەندەرێ رەئس عیسایێ و گراڤا کەمرانێ ل ئەلسەیفێ ل پارێزگەھا ھودەیدەیێ یا یەمەنێ بۆمبەباران کرنە. ھەروەسا ئاماژە ھاتیە دان کو، ئامەریکایێ پێگەھ و جھێن حووسیان ل باشوورێ سانایا پایتەختا یەمەنێ ژی بۆمبەباران کرنە.
ئامەریکایێ ب سێ ئێریشێن ئاسمانی عەمبارێن چەکی یێن حووسیان ل سەربازگەھا ئەلسەوادێ ل باشوورێ سانایێ ژی بۆمبەباران کرنە و تەقینەکا بھێز ژی پایتەختا یەمەنێ ھەژاندیە.
بالافرێن شەری یێن ئامەریکایێ شەش ئێریش کرنە سەر پێگەھێن حووسیان ل دەڤەرا بەنی مەتەرێ ل رۆژئاڤایێ سانایێ ژی.
ل گۆر مەدیایێن حووسیان، د بۆمبەبارانێن ئامەریکایێ دە ل سانایێ 14 کەس بریندار بوونە.
مەدیایان ھەروەسا راگەھاندیە کو، ئامەریکایێ سێ ئێریشێن ئاسمانی کرنە سەر پێگەھا حووسیان ل رۆژھلاتێ سەدەیێ.
