ناسنامه‌یا 3 چه‌كدارێن دن یێن په‌كه‌كێ ئاشكه‌ره‌بوو یێن كو دو سالان به‌رێ ل ده‌ڤه‌را زاپێ كه‌تبوون به‌ر ئێریشان و رێخستنێ مرنا وان ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كی ئیرۆ 5 گولانا 2025ێ ناسنامه‌یا 3 چه‌كدارێن خوه ئاشكه‌ره‌كر كو ل مه‌ها هه‌زیرانا 2023ان ل ده‌ڤه‌را زاپێ یا ل باشوورێ كوردستانێ كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دا نه.
ناڤێن وان ووسایه:
ڤه‌دات عسمه‌ت ژ شرنه‌خێ.
ئۆزكان به‌هائه‌ددین ژ ئاگریێ.
عه‌بدولحه‌لیم ئه‌یۆب ژ وانێ.
په‌كه‌كێ وه‌كه ته‌ڤ رێهه‌ڤالێن وان، مرنا ڤان چه‌كدارێن خوه ژی ئه‌ڤ دو سالن ڤه‌شارتی هشتیه و ئیرۆ ژ نوو ڤه هاتیه و دبێژه مه هه‌ڤالێن خوه یێن ئاپۆیی وه‌ندا كرن!.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده داینه كوشتن و مرنا وان هه‌یا رۆژا مه یا ئیرۆ ڤه‌شارتی هشتی، ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و په‌كه‌كێ مرنا وان ئیفشا نه‌كری یه.
